آذوح: ماراغا بیلیم یوردونون رویش فئستیوالی ۲۵ آذر ۱۳۹۷ رسمی اولاراق ۱۴ اوجاغین ایش بیرلیگی ایله ایشه باشلامیشدیر ، آچیلیش تؤره‌نی ساعات ۹:۳۰دا شهرستان سوییه‌سینده دؤولت سوروملولاری و بیلیم یوردونون سوروملولارینین حضورویلا توتولدو.
ماراغا بیلیم یوردونون اؤیرنجی سل ،آذربایجان تانیتیم اوجاغی دا بیر کولتورل اوجاق اولاراق بو فئستیوالا قاتیلیب و آلدیغیمیز بیلگیلره گؤره اوجاغین چالیشمالاری ایکی یؤنده اولاجاق:۱-آذربایجان تانیتیمی ۲- اوجاق تانیتیمی
آذربایجان تانیتیمی بؤلومونده اوجاق ، هم اویه‌لرین هم‌ده دؤولتی قوروملارین ظرفیتیندن یارارلانماغا چالیشیب.
بو اوجاق‌لا ایش‌بیرلیک ائدن قوروملار بونلاردان عبارت دیر:
۱- ماراغا بلدییه‌سی
۲- ماراغا شهرینین میراث فرهنگی ایداره‌سی
۳-تبریز بلدییه‌سی
۴-تبریز شهرینین میراث فرهنگی ایداره‌سی
۵-خوی بلدییه‌سی
۶- خوی شهرینین میراث فرهنگی ایداره‌سی
۷-شمس تبریزی‌نین تولییتی
۸- و خوی شهرینین فرهنگ و ارشاد ایداره‌سین آد آپارماق
بوایش بیرلیک اوغروندا بوشهرلرین بروشورلاری ،تاریخسل یئرلرینین شکیل لری ، شهرلرین خریطه‌لری ،هئیکل‌لر ، بیتیک‌لر و شکیل آلبوم لاری غرفه‌ده یئر آلیب.
هابئله اویه‌لرین چالیشمالاریلا آذربایجانیمیزین و تورک حاکمیتلریندن باشقا شهرلرده یادیگار قالان اثرلرین طرحی لیزرله کسیلیب، اورمو گولونون دوزلاغا دونمه‌سی اوچون ماکت تیکیلب،آذربایجانین اولوسال پالتارلاری و قوپوز ایله باغلاما سازلاری سرگییه قویولوب.
اوجاق تانیتیمی بؤلومونده اوجاغین ۹۶ و ۹۷جی ایللرینده قوردوغو وئرلیش‌لر و سرگی‌لرین شکیل‌لری،ائلین درگی‌سینین سون ایکی سایی‌سی و اوجاغین بیتیک ائوینین سیمگه‌سی گؤز اؤنونه قویولوب.
۲۵ آذر ۱۳۹۷ فئستیوالین بیرینجی گونو اولاراق غرفه اؤیرنجی‌لر وریندن چوخ گؤزل قارشیلاندی و اؤیرنجی‌لر آذربایجان اولوسال پالتارلارینا و سازلارا چوخلو ماراق گؤستردیلر .
