ایرقچیلیغی قیناییب ایرقچیلیق حاققیندا دانیشانلارین سایی سی چوخدور! بلکه ده حتی ایرقچیلیغا معروض قالانلارین سایی سی قدر ایرقچیلیغی "گویا" قینایانلار واردیر. بو "دانیشانلارین" آما ایرقچیلیغا قارشی موباریزه ده اینانجلاری نه سویه ده دیر؟! یوخسا یالانچی پهلوان حیکایه سینین سیمگه سیدیلرمی!؟
ایرانا گلدیغیمیزده، بو یالانچی پهلوانلارین سایی سی "اینسانلاردان" چوخدور. بوش بوغاز، دونیانین چرچیوه سینده یئر آلان بوتون اؤلکه لردن دانیشارلار آما ایراندا یاشایان قئیری فارس میللتلرین دورومونا چاتاندا، بوغازلارینا دویون دوشه ر سسلری باتار. آما گرچگی دئییشمکمی اولار؟! ایرانین کئچمیش 100ایلده کی دولتلرینین چیرکین و دونیادا چوخ آز تایی گؤرونن ایرقچی سیاستلرینی دانماقمی اولار؟!
بوراسی ایران دیر، گونوموز 1374جی ایل، ایران آدلانان دوستاق. کلمه‌لره بئله سیغیشا‌بیلمه‌یه‌ن اییره‌نج، چیرکین، اوره‌ک بولاندیریجی سورغولار اورتایا چیخدی:
**********
اردیبهشت 1374، مرکز تحقیقات، مطالعات و سنجش برنامه ای صدا و سیمای جمهوری اسلامی ایران پرسشنامه ای زیر عنوان فاصله ی اجتماعی(طرح فاصله اجتماعی شماره 59) در مناطق بیست گانه ی پرجمعیت ترین شهر ترک نشین ایران(تهران) پخش می کند و در 11 سوال، راسیسم را به آشکارترین شکل ممکن به نمایش می گذارد:
1- اگر روزی قصد ازدواج داشته باشید، آیا حاضرید با یک فرد ترک ازدواج کنید؟
2- چنانچه فرزند دختری داشته باشید و روزی بخواهد ازدواج کند، آیا حاضرید او را به یک مرد ترک بدهید؟
3- برای شرکت در بعضی از مراسم خاص مثل عاشورا و تاسوعا آیا حاضرید در مجالس یا دسته جات ترکها شرکت کنید؟
4- اگر بخواهید خانه ای بگیرید و ببینید که همسایه دیوار به دیوار یا آپارتمان مجاور شما ترک هستند، آیا حاضرید در مراسم آنها شرکت کنید؟
5- آیا حاضرید با فردی ترک در اتاق همکار باشید؟
6- آیا حاضرید در محله ای که اکثریت آنها ترک هستند، مسکن بگیرید؟
7- آیا حاضرید در شهری ترک زبان زندگی کنید؟
8- آیا حاضرید با فردی ترک رفت و آمد داشته باشید، او را به خانه خود مهمان کنید و یا به خانه آنها بروید؟
و
...
**********
1374جی گونش ایلی، اردیبهشت آیی، 19-جو گون. تاریخیمیزین ان پارلاق صفحه لریندن بیرینی یازدی آزربایجانین ایگید اؤیرنجیلری. "سن بیر تورکله ائوله‌نیرمیسین؟" سورغوسو، ان دوغرو شکیلده یانیتلاندی! ایللر بویو تحقیرلره معروض قالمیش بیر میللتین اولادلاری مئیدانا چیخیب "هارای هاری من تورکم" سلوقانلاریلا تیتره‌تدی ایران شوونیست رئژیمین پایالارینی.
او تاریخی گوندن 25 ایل کئچسه‌ده، داوام ائدیر ساواش، داوام ائدیر میللتچیلیک.
هر زامان تاریخ یازیب، حماسه‌لر یارادیب، میللتین طالئعی اوغروندا جان وئرمه‌گه حاضیر اولان آزربایجان اؤیرنجی حرکتی ایران رئژیمین بوتون باسغیلارینا رغمن بیر آددیم گئری آتمادان ساواشدان واز کئچمه‌دن یولونا داوام ائدیر، ائدیب، ائده جک.
100 ایل کیملیگی دانیلان، ثروتی طالانان، توپراغی پارچالانان میللتین "حاققی‌می آلاجاغام" سسی‌نی کیمسه باسدیرابیلمه‌ز. آزربایجان تورک میللتین ایراده‌سینی تمثیل ائده‌ن گونئی آزربایجان میللی حرکتی گوجونو دفعه‌لرجه سرگیله‌ییب، چیچکله‌نیب، سایاگلمز مینلرجه قهرمانلار یئتیشدیرمیشدیر. هامیمیز بیر اوره‌ک، بیر جان، ییغیشیبدیر آنا وطنی قوروماق اوچون، آزربایجان.
میللتین آزادلیغی اوچون بوتون چتینلیکله‌ری جانا آلیر، یولون سونونا قدر واریق.
ایران رئژیمینه مئساژیمیزدیر: میللتچیلیک بایراغی یئنیلمه میشدیر،
بیز قازانمیشیق، قازاناجاییق، یاشاداجاییق آزاد آزربایجانی.
ساواش، آلنیمیزا یازیلیب.
آزربایجان اؤیرنجی گونو، قوتلو اولسون.
آزربایجان اؤیرنجی حرکاتی- آذوح
19 اردیبهشت 1399
