دئدیم سالام دار آغاجی!
حالین نئجه دیر ده گؤروم.
دئدی یامان داریخمیشام
یول لاری آختاریر گؤزوم.
دئدیم گلدیم اوپوم اوزون
یاناقلارین یارالی دیر.
دئدی یاناقلاریم منیم
مئشه لرین آل قانیدیر.
دئدیم باهاردا، یازدا سن
چیچکله نیب گول آچمیسان؟
دئدی یانیب باهار، یازیم
یالقیز بوداق سیز قالمیشام.
قوجاقلادیم دار آغاجین
من آغلادیم او آغلادی.
دئدیم مئشه یاناندا سن
گؤروبسن آغلاشار چیچک؟
دئدی چیچکلرین قانین
طنابدا آخاندا گؤرموشم.
دئدیم کی سن نه بیلیرسن
سئوگی ندی، سئویش ندی
دئدی بیری دار باشیندا
یار آختاراندا گؤرموشم.
دئدیم باغین گولستانین
آدی یادیندادیر سنین؟
دئدی باغیم گولستانیم
یانیب دیر منده اؤلموشم!
قوجاقلادیم دار آغاجین
او آغلادی، من آغلادیم.
#ماحموددالغا
Dar ağacı
Dedim salam dar ağacı!
Halın necədir de görüm.
Dedi yaman darıxmışam
Yolları axtarir gözüm.
Dedim gəldim öpüm üzün
Yanaqların yaralıdır!
Dedi yanaqlarım mənim
Meşələrin al qanıdır.
Dedim baharda,yazda sən
Çiçəklənib gül açmısan?
Dedi yanıb bahae, yazım
Yalqız budaqsız qalmışam.
Qocaqladım Dar ağacın
Mən ağladım, o ağladı.
Dedim meşə yananda sən
Görübsən ağlaşar çıçək?
Dedi çiçəklərin qanın
Tənabda axanda gürmüşəm.
Dedi ki sən nə bilirsən
Segi nədi,seviş nadi?
Dedi bir dar başında
Yar axtaranda görmüşəm.
Dedim bağın gülüstanin
Adı yadındadır sənin?
Dedi bağım gülüstanım
Yanıbdir məndə ölmüşəm
Qocaqladım Dar ağacın
O ağladı, mən ağladım.
#Mahmood dalğa
