بو شعری چاغداشئمئزئن ابراهیم لرینه یعنی رسول بی رضوییه و اونون زیندان یولداشلارئنا حصر اولونور.
باشئن اوجا باشلاردان
بویوندا وار وارلئق تملی
سوزون سوز ، اعتبار
دیرلی بیر اقتدار
اوزرینده دوران اوز ، بیر آیدئنلئق
گوزلرین ، موتلو موشتلوق
اللرین قرینج قرینج تانریا قونشو
آغئر آغئر چانتان
دوم دولو وعده
دئمک ! ای ابراهیم
آغرئسی آغئرلئیارسا آغی
آغزئنئن کسری کال
سویلم دیلین لال
بیر اوزون سوره فلاکت
تاریخین اینگلتی سسسی .کالاوالئقدان
ای ابراهیم
باغلی باغدا ، باغئران بیر یاورو
بیر اصلان املیگی ، بیر شیر بالاسی
آر اولایلارئنا
دئمیش
« ایرینلمیش زورون بینینده قامچی
قامچئنئن الینده قدر
قدرین تپکسی چئلپاق »
غربه ایدی !
سون سوز
سونسوز یولدا سوز
کیم ایسه ، کیمسیه دئمدی
دان دوران یئرده
ایشئغئن اولومیندن بیر دن
کیم ایسه ، کیمسدن سورمادی !
پاخئر قابئن پاخئللئغئندا اویان ، اویومدان !
بیر جئزئلتی
بیر وئزئلتی
بیر چیمدیک جئر جئز .
کیم ایسه ، کیمسه دن کوسمدی
بویاتی بئجرمک ایچون
بویاتی جوجرتمک ایچون
آهای ای ابراهیم !
سئندئر بتلاری ، تابولاری
سئندنر
سئندئر بت پرستلرین ایندکی ، او قدیم بتون .
سنین قربانلئغئن سایئلدی سسلر آراسی
بیر جوت قئزل قوزو
بیر جوت قئزل قوچ
بیر صلح گویرچنی .
اشیلباخ 16.5.2010
