🔸بیز اوزون ایللردی ساواش آپاریریق میللتیمیزین اویانیشی اوچون.
بو اویانیش‌دان دا مقصدیمیز اونلاری «آزربایجانلی تورک» اولدوقلارینا ایناندیرماقدیر.
🔸پزشکیان اؤزونو تورک آدلاندیریر، آزربایجان اراضیسی‌نین بیر بؤلومونو کوردوستان بیلیر، و تورکلرینده «ایرانلی» اولدوغونو دئییر. اونون اوچون‌ده سئچدیغی شوعار «برای ایران»دی.
🔸بو آدامین چیخماسی‌نین میللتیمیزده یارادان احوالات:
۱: میللت دوشونه‌جه‌ک کی ایران بیزیم ظن ائتدیغیمیز قدر ده پیس یئر دئییلمیش. بیر تورکون پرزیدنت اولماسینا بئله موساعیده وار. دولاییسیلا، ایرانلی اولماق دوشونجه‌سینین فورمالاشماسی شیددتله‌نه‌جه‌ک.
۲: پزشکیان بیر آزربایجانلی پرزیدنت اولاراق، باتی آزربایجانین بیر بؤلومونه کوردوستان دئییر. میللت بئله دوشونه‌جه‌ک کی چون او اؤزو اورالی‌دی، دئمه‌لی بیر بیلدیغی وار و دوغرو دئییر. دولاییسیلا، باتی آزربایجانین بیر بؤلومو کوردوستانا وئریلیرسه میللتین تپکی‌سی آز اولاجاق.
۳: پزشکیان وعدله‌رینی یئرینه یئتیرمزسه، اونا سس وئرنله‌ر پزشکیانی رئکلام ائدنله‌ری سوچلایاجاقلار. پزشکیانی رئکلام ائدنله‌ر کیمدیر؟ میللی حرکتین بیر بؤلومو. دولاییسیلا میللتین بیر بؤلومو، کی اتفاقا تورکچودو، میللی حرکتده‌ن زده‌له‌نیب اوزاقلاشاجاق.
۴: پزشکیان وعدله‌رینی بیر بالاجا بئله یئرینه یئتیریرسه، تورک میللتی اؤزونه ایران‌دا پای وئریلمه‌سینه اینانیب آزربایجانچیلیق‌دان اوزاقلاشیب اؤزونو داها ایرانلی بیله‌جه‌ک.
۵،۶،۷ و……
🔸اوزون سؤزون قیساسی: پزشکیانین چیخماسی ایرانچیلیق دوشونجه‌سینه ان بؤیوک بایراملاردان بیری ساییلیر.
سیزجه تصادوفی‌دیر‌می پزشکیانین باش یاردیمچیلاری خاتمی و روحانی کیمی پان‌ایرانیستله‌ر و آخوندی و ظریف کیمی پان فارسلاردی؟
🔸آجی یا شیرین، چوخ یاخین زامان‌دا هر نه آیدینلیغا چیخاجاق.
آما بلکه‌ده من یانیلیرام.
بلکه پزشکیان یئنی گورباچوف‌ایمیش، خامنه‌ای‌د‌ن خبرسیز!
آمان‌دی، کیمسه خامنه‌ای‌یه دئمه‌سین ها؛ ائله اؤز آرامیزدا قالسین!
