31دکابر(دسامبر) دوُنیا آذربایجانلیلاری نین بیرلیک همریلیک گوُنون دوُنیادا یاشییان بوُتون آذربایجان توُرک میللتینۀ تبریک دئییب بیرداها خاطیرلاتمالییام کی بیرلیکدن هئر زاماندا بوُیوک غلبۀ لر، موجیزۀ لردوُغولار.

بیزآذربایجان توُرک میللتی نین تاریخ بوُیو بیرلیگیمیز اوُلماسئیدی ؛ ایندیۀ قئدرچوُخدان چئورۀ میزی احاطۀ ائدن رنگارنگ دوُشمانلاریمیزین هئر طرفلی باسغیلاری ، تبلیغات لاری، هجوملاری، قتل عاملاری نتیجۀ سیندۀ یوُخ اوُلوب ، آرادان گئتمیشدیک .

بونا آچیق ؤآیدین نموُنۀ، یاشادیغیمیز گئنیش آمما دفعۀ لرلۀ پارچالانمیش جغرافیامیزدا دفعه لرلۀ خائین نییتلی قوُنشو آدلانان ! فارس ، رُوس ارمنی ، کوُرد  تجاوزلاری ؤ سایرۀ لرۀ ایشارۀ اتمئگ اوُلار.

بوتوُن بوُنلارا باخمییاراق تاریخ بوُیو بوُگوُنۀ قئدربیزی یاشادان : آنا دیلیمیزین، زنگینلیگی، موسیقیمیز،شاعیرلریمیزین یازیب ، یاراد دیقلاری درین معنالی، شعرلری، حئکایۀ لری ؤ آزادلیق یوُلوُندا قهرمانلیقلاری اوُلموشدور کی میللتیمیزۀ ایلهام منبعی ؤ دوَشمانلار قارشیسیندا سارسیلمادان موجادیلۀ سی اوُلموشدور.

بوگوُرۀ دۀ ، بیرلیک ؤ همریلیگیمیزی گوُجلئندیرمئیمیز أن اوُنئملی ؤظیفۀ لریمیزدن ساییلی، خصوصی ایلۀ گوُنئیدۀ فارس راسیسمی نین جیناغیندا اسارتدۀ اوُلان میللتیمیزهئر بیر اوُیغون ایمکان ایلۀ بیرلئشیب تشکیلات لانمالی دیرلار.

ألبتۀ کی بوُ بیرلیگین شیوۀ لری داخیلدۀ ؤ خاریجدۀ فرقلی دیر، داخیلدۀ جریان ائدن چوُخ آغیرضربۀ لرقارشیسندا موقاویمت گوُستریب ، آردیجیل مووفققییت لرقازانان میللی حئرکتیمیزین قاباقجیللارینین سارسیلمازموُجادیلۀ لری دوُغروداندا بوُیوک تقدیرلرۀ لایق دیر، بو بوُیوک اینسانلاردوُغروداندا بیر احتیشاملی تاریخ یارادیرلار.

خاریجدۀ ایسۀ أن آزی 30 ایللیک پروسئسدۀ دائمن اوُریی لری آذربایجان عشقی ایلۀ چیرپینان آذربایجانلیلار 1985ایلیندن آذربایجان (کوُلتوراوُجاغلاری) قوُروب یارادماقلا، فعالییتۀ باشلامیشلار، لاکین شئهرلرین بیربیریندن اوُزاغلیغی ؤ مالی چاتیشماماز لیغلاری نظردۀ آلماقلا  وطندن سوُرگوُن دوُشموش آذربایجانلی لاری همان اوُجاغلاردا بیرلئشدیریب آذربایجان میللتینین میللی وارلیقین تانیددیرماق اوُچون غرب اوُلکۀ لریندۀ چئشیدلی کنفرانسلار، گاذتلر ، مقالۀ لر، شعرلریازیب بوُیوُک زحمت لرلۀ ؤ آغیر مخاریجلۀ اوُزاق شئهرلردۀ یاشییان آذربایجانلیلارا چاتدیریردیلار.  

قئید اتمئک لازیم دیر کی هئلۀ  اوُ ایللردۀ نۀ کامپیوتروارایدی اینترنت دۀ یوُخ ایدی ، بوُتون مقالۀ لرچوُخ زحمت لۀ تایپ ماشینی ایلۀ یازیلیب ، سوُنرا فعاللارین موختصر مالی یاردیملاری ایلۀ چاپا وئریلیردی .

علاوۀ اوُلاراق داخیلدۀ گوُن بۀ گوُن جانلانماقدا اوُلان میللی حئرکتین ؤ میللی فعاللاری میزین حاق سئس لرین بوُتون دوُنیا میللت لری ؤ بین الخالق تشکیلات لارا چاتدیریر دیلارؤ بوُدا اوُزلوُیوندۀ میللی حئرکتی ؤ اوُنون هدف لرین دوُنیایا تانیددیرماقدا بوُیوک اهمییتۀ مالیک ایدی .

بو خصوصدا یازمالی چوُخ سوُزلروار، لاکین أن اوُنئملیسی بوُدوُر کی سارسیلمادان ، یوُروُلمادان میللی موجادیلۀ میزی داها آرتیق گوُجلئندیرمئک ، بیرلیکدۀ چیین چیینۀ وئریب وطنیمیزین ؤ میللتیمیزین قوُرتوُلوشو یوُلوُندا موجادیلۀ میزۀ داوام وئریب ، گوُجئندیرمئک لازیم دیر.

یاشاسین بیرلیک ؤ همرأی لیگیمیز ، یاشاسین آذربایجان . آذرخش ـ 31 /12 /