آذوح: اولو تانرینین آدی ایله
هر نه دن اؤنجه سالام دئییرم آذربایجان تورک میللت ینین آزادلیغی اوغروندا دوپ دورو اینام و تمللی صداقتله تئوریک و پراتیک آلانلاردا یورولمادان چالیشان فیکیرداش و یولداشلارا.
بئله لیکله بیلدیرمک ایسته ییرم میللی حرکت ده بیر سیرا ندنلره گؤره جدی بیر پاتالوژی و چور آریتیمی احتیاج گؤرونور. بو اوزدن بو اؤنمی و گؤره وی ساغلاملی اولاراق اویقولاماق ایچین ساغلام بیر اورتام یارانمالی دیر. البتده بو مبحث قالیبینده هرکسین نقد، اؤنری، اویاری و... بیری-بیرینه و یا منیم اؤزومه اولا بیلر.
وورغولامالییام بو اوتورومدا میللی حرکتی ایلگیلندیرن و قاپسایان هر بیر سورو و ادعالاری و حتی اؤزومه اولان هر تورلو تعارف سیز و آجیماسیز تنقیدی ائشیدیب و یانیتلاماغی وجدان و میللی بورج بیلیرم و قاتیلان شخصلردنده منیم طرفیمدن سونولان سورولاری یانیتلاماقدا، تام بو تورلو داورانیش گؤزله ییرم.
بو اوتوروما، سایقی ده یر هر آذربایجانلی او جومله دن بوتون قوروملار، قورلوشلار، شخصلر و جریانلار قاتیلا بیلرلر، حتی او شخصلرکی هر ندنه گؤره سؤزلو و یا یازیلی اولاراق، بنده نی یاراماز و بینیلمز لفظلرله یاد ائدیبلر.
بو اوتورومدا فلسفی- جامعه شناختی- سیاسی و اولوسلار آراسی ایلیشگیلر آچیسیندان آنالیز و فیکیر تبادلی و حتی تضاربی اولاجاق.
اؤزللیکله مجازی فضادا زامان-زامان مونولوگ اورتاملار یارادیب پوپولیستی و عین حالدا متناقض چیخیشلارلا گنج نسلی یانلیشلارا یؤنه لتمگه چالیشانلار و میللی حرکت ین وارلیغین٬ آخیمین و قازانجلارین کوچومسه ین و گنج نسله اومودسوزلوق تزریق ائدنلر، ها بئله حرکت ین ماهیت و مبارزه متدون سورغو آلتینا آپاریب، اؤزلرین و متدلارین بیر آلترناتیو کیمی اورتایا قویان شخصلرین بو اوتورومدا اولماقلاری و افکار عمومی ده یارانان سورغولاری جاوابلاماقلاری داها ضروری گؤرونور.
بو اوتوروما قاتیلماغی صلاح بیلن هر کس؛ اگر اجماعه یئتیشیب خاص بیر یئر بللندیرسه لر، بنده بیر میللتچی اولاراق هر یئرده و هر بیر شهرده صلاح گؤرسه لر قوللوقدا اولاجایام. آنجاق اگر ائله بیر اجماع یارانیب و تصمیم توتولماسا من اردبیلده قوناقلاما و میزبانلیغی قبول ائده بیلرم.
بئله لیکله دوسلار یئر حاضیرلامیش و بلیرلمیش اولسالار 1396/8/22 دک اعلام ائتسینلر تا کؤنوللو اولان بئی لر و بایانلار آینی گون 1396/8/26 دا، ایکیندی چاغی ساعات 14:30 دا اعلام اولونان مکاندا حاضیر اولسونلار.
دئمک اگر دوز گونو 1396/8/22 دک یولداشلار وریندن اعلام اولونماسا بو آنلاما گلیرکی، جمعه گونو 1396/8/26 دا ساعات 14:30 اردبیلده بوتون کؤنوللو قارداشلار و باجیلاریمین قوللوغوندا اولمالییام.
بو اوتورومون دوزگون بیر دیالوگا چئوریلمسی اوچون هر بیر اؤنری آشاغیدا گلن تلفن نوماراسی ایله ائشیدیب و مصلحتلری لحاظ ائده جه ییک.
یئر: اردبیل - باهنر خیابانی- باهنر شهرکی - 12مترلیک فجر کوچه سی - ائو سایی38
موبایل: 09143539413
آچیقلامالار:
- اوتورومون سونو: تارتیشمادان سونوج آلینجا.
- بیر کامئرا اولاجاق و ائله یاراشدیریلاجاقکی ایسته مه یه ن فیلمده دوشمه سین و هر کس ده کامئرا گتیره بیلر. کامئرادان آماج، اولوب بیتنلرین تحریف اولماماسی دیر.
سایقیلارلا:
عباس لیسانی
