آذوح: تورکییه حبس، ایشگنجه، فیزیکی تهلوکه یا باشقا سبب‌لر اوزون‌دن اؤلکه‌لرینی ترک ائتمک مجبوریتینده قالان ایران‌لی‌لارین ایلک سیغیناجاغی حساب ائدیلیر. تورکییه‌ده قاچقین حیاتی یاشایان آرش موکاریدوست آمئریکانین سسینه موصاحیبه‌ده گونئی‌لی قاچقین‌لارین وضعیتینی آنلادیب. اونون سؤزلرینه گؤره، گونئی‌لی قاچقین‌لارین معاریفلنمه و مالیه یاردیم‌لارینا احتیاج‌لاری وار.
“گونئی آذربایجان‌دان چیخان میللی فعال‌لار تورکییه‌یه گلدیک‌لرینده معلومات‌سیز اولورلار. ایران‌دان چیخدیق‌لاری زامان ایسترئس آلتیندا اولدوق‌لاری اوچون بئله اولور. گلدیک‌دن سونرا یاواش-یاواش سیخینتی‌لار اورتایا چیخیر،” دئیه موکاریدوست بیلدیریر.
او، علاوه ائدیر کی، چوخ‌لاری بمت-یه گئدنده دردلرینی سلیس شکیلده آنلادا بیلمیرلر. "یا آنلا‌دیرلار اما اورا‌دان چیخدیق‌دان سونرا ائو کیرالاماق مسئله‌سی وار، ایش تاپماق وار. بمت-دکی پروسئس‌لرین تاماملانماسینی گؤزلیرکن بون‌لاری ائتمه‌لی‌دیرلر،” او بیلدیریر.
موکاریدوستون دئدیک‌لرینه گؤره، دیگر جمعیت‌لر یا سیاسی قروپ‌لارا منسوب ایران‌لی قاچقین‌لارین بیر چوخونا یاردیم ائدن قوروم‌لار وارکن، گونئی‌دن گلن میللی فعال‌لارین پروبلئم‌لرینه دقت یئتیرن بیر قوروم یوخ‌دور:
“گونئی آذربایجان‌دان گلن‌لرین چوخو میللی-مدنی فعال‌لاردیر. اما دیگرلری ده وار. مثال اوچون دین دییشدیرمه سببیله ایراندا سیخینتی یاشامیش اولان‌لار... دیگر میللت‌لر و یا دیگر سیاسی قروپ‌لارا منسوب اولان قاچقین‌لارا باخاندا، گؤروروک کی، اونلارا مالی و حقوقی باخیم‌دان یاردیم ائدن‌لر وار. بیز ده دئدیک کی، ندن بیزیم بئله قوروموموز اولماسین؟”
آرش موکاریدوستون سؤزلرینه گؤره، او و تورکییه‌ده قاچقین حیاتی یاشایان بیر نئچه دیگر تورک فعال همین پروبلئمی چؤزمک مقصدیله “سیغینماجی‌لار یاردیملاشما مرکزی – گونئی آذربایجان” آدلی بیر بیرلیک تعسیس ائدیب‌لر.
“هدفیمیز تورکییه‌ده اولان گونئی‌لی قاچقین‌لارا مادی، حقوقی و معنوی یاردیم‌لار ائتمک‌دیر... داها اول بیر نئچه ایل تورکییه‌ده یاشادیق‌دان سونرا غرب اؤلکه‌لرینه یئرلشن بعضی میللی فعال‌لار اللرین‌دن گلدیگی قدر هر آی حسابیمیزا معین بیر مبلغ یاتیریرلار. بیز ده گلن او پولو مالی یاردیما احتیاجی اولان‌لارا چات‌دیریریق،” دئیه او تعسیس ائتدیک‌لری مرکزین هدف و فعالیت‌لرینی شرح ائدیر.
فعالیتیمیز شففاف‌دیر. گلن و گئدن یاردیم‌لارین هامی‌سی هابئله مرکزین بوتون خرج‌لری سایتیمیزدا یازیلیب.
موکاریدوست میللی حرکاتا منسوب سیاسی تشکیلات‌لارین چوخونون بو مرکزله امکداشلیغا مئیل‌سیز اولدوقلاریندان گیلئی‌لنیر: “بونون بیر سببی ائتیمادسیزلیق مسئله‌سی اولا بیلر،” او، قئید ائدیر.
آرش موکاریدوست مرکزین فعالیتی‌نین شففاف اولدوغونو وورغولاییر. "الیمیزه گلن و الیمیزدن گئدن یاردیم‌لارین هامی‌سی هابئله مرکزین بوتون خرج‌لری سایتیمیزدا یازیلیب. شففاف اولدوغوموزو او تشکیلات‌لارا دا گؤسترجییک و اومید ائدیریک کی اونلار دا بیزه اینانا‌جاق،” او دئییر.
https://www.amerikaninsesi.org/a/ares-mokaridust-qachqinlar/4242426.html
