آذوح: قورولوشونون ۷۳-جو ایل دؤنومونده "گونئی آزربایجان میلّی حکومتی" کونفرانسی و قوتلاما شؤلنی مناسیبتیله آزربایجاندان و آوروپادان تورکیه‌یه گلمیش سیاسی پارتی و اجتماعی تشکیلاتلارین تمثیلچیلری دسامبر آیی‌نین ۱۵-ده (۲۴ آذر) آنکارادا ییغینجاق کئچیرمیشلر.
گؤروشده اورتا دوغودا موجود دوروم، ایران اسلام جمهوریتینی بوروین درین اقتصادی و سیاسی بحران و اورمیه گؤلونون مصنوعی شکیلده قورودولماسی، ائله‌جه ده عراق، تورکیه و گونئی آزربایجانین باتی بؤلگه‌لرینده فعالیت ائدن ترورچو اؤرگوتلرین دوشمنجه‌سینه حرکتلری و نتیجه‌ده گونئی آزربایجانی گؤزله‌ین فلاکتلر اوزرینده دایانیلمیش، گئنیش مذاکیره‌لر آپاریلمیشدیر.
گؤروشده عینی زاماندا تبریز آراشدیرمالاری انستیتوسونون حاضیرلادیغی “فدرال ایران جمهوریتی آنایاساسی” اؤنریسی موذاکیره ائدیلمیشدیر.
آذربایجان اؤیرنجی حرکاتی – آذوح
آزربایجان میلی دیرنیش تشکیلاتی – دیرنیش
ایران تورکلری پلاتفورمو
تبریز آراشدیرمالاری انستیتوسو
دونیا آذربایجانلیلاری کونقره‌سی – داک
گونئی آذربایجان دموکرات پارتیسی – گآدپ
گونئی آذربایجان سوسیال-دموکرات پارتیسی
•آدلار الفبا سیراسی ایله‌دیر.
