بویوک تورک میللتی!
حورمتلی وطنداشلار!
هر ایل دونیانین بیر چوخ اولکه سینده گونئی آذربایجان دوولتچیلیک گونو قئید اولونور، میللی فعاللار بیر آرایا گلیر و توپلانتیلار کئچیریلیر. پهلوی و ایسلام رئژیملری نین باسغیلارینا رغمن گونئی آذربایجانین بیر چوخ شهرینده بئله 21 آذر گونو قوتلانیر، 26 آذر ده اولان معنوی سوی قیریم قینانیر.
21-آذرین 71-جی ایلدونومو موناسیبتیله، آیریجا چاغیمیزین گرگین دورومو و اورتادوغودا اولان تهلوکه لی اولایلاری نظره آلاراق، بیز آوروپا دا یاشایان میللی فعاللار ایسئوچ-ده گوتئنبورگ شهرینده سئمینار کئچیرمه گی دوشوندوک. بئله لیکله بوتون تشکیلاتلار، قروپلار، درنکلر و میللی فعاللاردان دعوت اولونور سسیمیزه سس وئریر، بو توپلانتیدا ایشتیراک ائتسینلر.
آرزو ائدیریک میللی فعاللارین قاتیلیمی ایله و کئچمیش تجروبه لردن یارارلاناراق گونئی آذربایجان میللی حرکاتی اوچون یئنی بیر صایفا آچیلیر، یئنی آددیملار آتماق اوچون بیرلیگیمیز داها سیغ اولور. خاطیرلاتمالیییق بو توپلانتیدا آوروپانین بیر چوخ اولکه سی، آذربایجان و تورکیه ده ن قاتیلان قوناقلار اولاجاقدیر.
زامان: 17 دئکابر 2016
یئر: ایسوئچ- گوتئنبورگ
21 آذر کومیته سی- آوروپا
*اطرافلی بیلگیلر یئنی بیلدیریلر واسیطه سیله پایلاشیلاجاقدیر.
