Beynəlxalq işçi bayramı münasibətilə Azərbaycan Siyasi Quruluşlarının Əməkdaşlıq Platforması bildirisi
Azərbaycan işçiləri və əməkçiləri
Azərbaycan milli hərəkəti fəalları
Bu gün, İran islam Cümhuriyyətinin irrasional siyasətlərinin bir sonucu olaraq, işçilərin və işçi sinfinin məişət qaynaqlarının o qədər çətin halə gəldiyi bir durumda, beynəlxalq işçi bayramını qeyd edirik ki, ən əsas insan qidası olan «çörək»-in təmin edilməsi belə , bəzi siniflər üçün çətinləşib.
Heç şübhə etmədən söyləmək olar ki, ölkənin iqtisadiyyat durumunun belə pisləşməsinin ancaq iyirminci yüz ilin başlarında ki qəhətliklər və acılıqlarla qarıldaşdırıla bilmək mümkündür. Bu səfil duruma baxmayaraq, islam Cümhuriyyətinin korrupsioner rejimi hələ ideolojik macəraları ilə məşğuldur və düşündüyü son şey xalqın məişətidir.
Azərbaycanlı və Türk işçilər
Kommunist və sosialist düşünürlər və liderlər, işçi hərəkətini illərcə ideolojik çərçivələrə həbs etmiş olsalar da, dünyadakı işçi haqlarını və işçi hərəkətlərini sosialistlərə və kommunistlərə özəl qılmağa və işçilərin demokratik istəklərinin genişlənməsini əngəlləməyə çalışdılar. ancaq müstəqil işçi hərəkətləri bu zehniyyəti qırmağı başardı və modern dünya iqtisadiyyatında işçilərin maddi və fikri haqlarına yeni bir tanım gətirdi.
Bu gün işçi hərəkətləri demokratik mücadilənin önəmli bir parçasıdır və demokratiyanın təməllərinə tanış olan işçi sinfi, modern tələblərini müzakirə masasında və xiyabanlarda dilə gətirir.
Eyni zamanda bu gün, Azərbaycan və irandakı digər əzilən xalqların işçi hərəkəti İranda aşırı dərəcədə mərkəziyyətçi inkişafın ağrılı həqiqətlərini dərk edərək, İranda işçilərin çətinlikləri və əziyyətlərinin belə bərabər bölüşmədiyini, Türk, Kürd, Ərəb, Bəluç və Lor işçiləri və əməkçilərinin daha çox yoxsun və məzlum olduğunu bilir.
Ona görə də bu bilinc, işçilərin «milli ədalət və rifah» kölgəsində bərabər haqlara sahib olması üçün işçi mücadilələrini milli-demokratik mücadilələrə bağlamaqdadır. Bu gün, Azərbaycan işçi hərəkətinin seçkinləri və liderləri zəngin tarixi təcrübələrə sahib olaraq, İranın mərkəzi bölgələrindəki işçi hərəkəti və sol hərəkətin nə yazıq ki, "İranşəhri" totalitar və inhisarçı ideologiyasının əsiri olduqlarını bilirlər və onların bilincli ya da bilincsiz olaraq güc və sərmayənin ədalətli şəkildə bölünməsinin qarşısına çıxdıqlarını və buna qarşı dirənc göstərdiklərini görürlər.
Ölkə çapında işçi hərəkətinin çağdaş tarixi, əzilən ulusların işçi hərəkətinin həssas zamanlarda mərkəziyyətçilərin və unların çıxarlarının qurbanı olduğunu göstərmişdir.
Son illərdə Azərbaycan işçi hərəkətinin şüarlarının sıxlıqla «ana dilində» olması onu göstərir ki, Azərbaycanda digər hərəkətlər, o cümlədən qadın hərəkəti və tələbə hərəkəti kimi işçi hərəkəti də bu bilincə çatmışdır ki, milli basqı və zülm ortadan qaldırılmadan və sərmayə qaynaqlarının ədalətli şəkildə dağıdılmadan heç bir sosial sinif Azərbaycanda və İranın digər bölgələrində rifah və səadətə çata bilməz; dolayısı ilə bu yolda hər kəs birlik olmalıdır.
azərbaycanlı işçilərinin son aylardakı aksiyaları, azərbaycandakı işçi hərəkətinin canlı və sağlam olduğunu və Azərbaycan xalqının demokratik və qurtuluş mücadiləsinin ağırlıqlarından biri ola biləcəyini göstərmişdir. Ancaq eyni zamanda, İran mediasının aksiyalara yönəlik xəbərləri boykot etməsi bir dəfə daha mərkəziyyətçilərin Azərbaycan işçi hərəkətinə öz inhisarçı dar mərcəyindən baxdıqlarını göstərdi.
Azərbaycan Siyasi Quruluşlarının Əməkdaşlıq Platforması olaraq, "1 may" beynəlxalq işçi bayramını qeyd edərkən, Azərbaycanın "bütün sosial siniflər üçün rifah və milli səadəti" hər zaman vurğuladığımızı və israr etdiyimizi və buna davam edəcəyimizi əlan edir və bütün gücümüzlə Azərbaycan işçi hərəkətinin mübarizlərinin yanında ovduğumuzu və hər zaman olacağımızı bildiririk.
bizcə, Azərbaycan işçilərinin rifahı və haqları üçün mücadilə edən Azərbaycan işçi hərəkəti, Azərbaycan milli hərəkətinin ayrılmaz bir parçasıdır və Azərbaycan milli hərəkətinin milli səadəti və milli rifah hədəfi üçün tarixi prosesini tamamlar.
Azərbaycan işçiləri və işçi hərəkətinin və elitalarının özgür və demokratik bir Azərbaycanın inşasında danılmaz bir rol oynayacaqlarına inanırıq.
Sonuc olaraq Azərbaycan işçi hərəkətinin bütün şəhidlərini, edam edilənləri və siyasi məhbuslarını və bütün əzilən millətləri sayğı və hörmətlə anırıq və bütün dəyərli zəhmətkeşlərin bayramını təbrik edirik.
Azərbaycan Siyasi Quruluşlarının Əməkdaşlıq Platforması
AZOH – Dirəniş – GADP
01.05.2022
اولوسلارآراسی ایشچی بایرامی موناسیبتی‌ایله آزربایجان سیاسی قورولوشلارینین امکداشلیق پلاتفورمو بیلدیریسی
آزربایجان ایشچیلری و امکچیلری
آزربایجان میللی حرکتی فعاللاری
بوگون، ایران ایسلام جومهوریتی‌نین غاغیل‌دیشی (غیرعقلانی) سیاستلرینین بیر سونوجو اولاراق، ایشچیلرین و ایشچی صینفینین گئچیم قایناقلارینین او قدر چتین حاله گلدیگی بیر دورومدا اولوسلارآراسی ایشچی بایرامینی قوتلاییریق کی، ان اساس اینسان قیداسی اولان «چؤرک»ین تامین ائدیلمه‌سی بئله ، بعضی صینیفلر اوچون چتینله‌شیب.
هئچ شوبهه ائتمه‌دن سؤیلمک اولار کی، اولکه‌نین ائکونومیک دورومونون بئله پیسلشمه‌سینین آنجاق ییرمینجی یوزایلین باشلارینداکی قحطلیکلر و آجلیقلارلا قارشیلاشدیریلابیلمک مومکوندور. بو سفیل دوروما باخمایاراق، ایسلام جومهوریتی‌نین فاسید رئژیمی هله ایدئولوژیک ماجرالارییلا مشغولدور و دوشوندوگو سون شئی خالقین معیشتیدیر.
آزربایجانلی و تورک ایشچیلر
کومونیست و سوسیالیست دوشونورلر و لیدئرلر، ایشچی حرکتینی ایللرجه ایدئولوژیک چرچئوه‌لره حبس‌ائتمیش اولسالار دا، دونیاداکی ایشچی حاقلارینی و ایشچی حرکتلرینی سوسیالیستلره و کومونیستلره اؤزه‌ل قیلماغا و ایشچیلرین دئموکراتیک ایستکلرینین گئنیشلنمه‌سینی انگلله‌مه‌یه چالیشدیلار. آنجاق باغیمسیز ایشچی حرکتلری بو ذهنیتی قیرماغی باشاردی و مودئرن دونیا ائکونومیسینده ایشچیلرین مادی و فیکری حاقلارینا یئنی بیر تانیم گتیردی.
بوگون ایشچی حرکتلری دئموکراتیک موجادیله‌نین اؤنملی بیر پارچاسیدیر و دئموکراسینین تمللرینه تانیش اولان ایشچی صینیفی، مودئرن طلبلرینی موذاکیره ماساسیندا و خیابانلاردا دیله گتیریر.
عئینی زاماندا بوگون، آزربایجان و ایران‌داکی دیگر ازیله‌ن خالقلارین ایشچی حرکتی ایران‌دا آشیری درجه‌ده مرکزیتچی گلیشمه‌نین آغریلی حقیقتلرینی درک ائدرک، ایران‌دا ایشچیلرین چتینلیکلری و اذیتلرینین بئله برابر بؤلوشمه‌دیگینی، تورک، کورد، عرب، بلوچ و لور ایشچیلری و امکچیلری‌نین داها چوخ یوخسون و مظلوم اولدوغونو بیلیر.
اونا گؤره ده بو بیلینج، ایشچیلرین «میللی عدالت و ریفاه» سایه‌سینده برابر حاقلارا صاحیب اولماسی اوچون ایشچی موجادیله‌لرینی میللی-دئموکراتیک موجادیله‌لره باغلاماقدادیر. بوگون، آزربایجان ایشچی حرکتینین سئچکینلری و لیدئرلری زنگین تاریخی تجروبه‌لره صاحیب اولاراق، ایران‌ین مرکزی بؤلگه‌لرینده‌کی ایشچی حرکتی و سول حرکتین نه یازیق کی، "ایرانشهری" توتالیتر و اینحیصارچی ایدئولوژیسینین اسیری اولدوقلارینی بیلیرلر و اونلارین بیلینجلی یا دا بیلینجسیز اولاراق گوج و سرمایه‌نین عدالتلی شکیلده بؤلونمه‌سینین قارشیسینا چیخدیقلارینی و بونا قارشی دیره‌نج گوستردیکلرینی گؤرورلر.
اؤلکه چاپیندا ایشچی حرکتینین چاغداش تاریخی، ازیله‌ن اولوسلارین ایشچی حرکتینین حساس زامانلاردا مرکزیتچیلرین و اونلارین چیخارلارینین قوربانی اولدوغونو گؤسترمیشدیر.
سون ایللرده آزربایجان ایشچی حرکتینین شوعارلارینین سیخلیقلا «آنا دیلینده» اولماسی اونو گؤستریر کی، آزربایجان‌دا دیگر حرکتلر، او جومله‌دن قادین حرکتی و اؤیرنجی حرکتی کیمی، ایشچی حرکتی ده بو بیلینجه چاتمیشدیر کی، میللی باسقی و ظولم اورتادان قالدیریلمادان و سرمایه قایناقلارینین عدالتلی شکیلده داغیدیلمادان هئچ بیر سوسیال صینیف آزربایجان‌دا و ایران‌ین دیگر بؤلگه‌لرینده ریفاه و سعادته چاتابیلمز؛ دولاییسی ایله بو یولدا هرکس بیرلیک اولمالیدیر.
آزربایجانلی ایشچیلرینین سون آیلارداکی قرئولری (اعتصاب)، آزربایجان‌داکی ایشچی حرکتینین جانلی و ساغلام اولدوغونو و آزربایجان خالقینین دئموکراتیک و قورتولوش موجادیله‌سینین آغیرلیقلاریندان بیری اولابیله‌جگینی گؤسترمیشدیر. آنجاق عئنی زاماندا، ایران مئدیاسینین قرئولره یؤنه‌لیک خبرلری بایکوت ائتمه‌سی بیر دفعه داها مرکزیتچیلرین آزربایجان ایشچی حرکتینه اؤز اینحیصارچی دار مرجکیندن باخدیقلارینی گؤستردی.
آزربایجان سیاسی قورولوشلارینین امکداشلیق پلاتفورمو اولاراق، "۱ مای" اولوسلارآراسی ایشچی بایرامینی قوتلارکن، آزربایجان‌ین "بوتون سوسیال صینیفلار اوچون ریفاه و اولوسال سعادتی" هر زامان وورغولادیغیمیزی و ایصرار ائتدیگیمیزی و بونا دوام ائده‌جه‌گیمیزی اعلان ائدیر و بوتون گوجوموزله آزربایجان ایشچی حرکتینین موباریزلرینین یانیندا اولدوغوموزو و هر زامان اولاجاغیمیزی بیلدیریریک.
بیزجه، آزربایجان ایشچیلرینین ریفاهی و حاقلاری اوچون موجادیله ائده‌ن آزربایجان ایشچی حرکتی، آزربایجان میللی حرکتینین آیریلماز بیر پارچاسیدیر و آزربایجان میللی حرکتینین میللی سعادت و اولوسال ریفاه هدفی اوچون تاریخسل سوره‌جینی تاماملار.
آزربایجان ایشچیلری و ایشچی حرکتینین و ائلیتلرینین اؤزگور و دئموکراتیک بیر آزربایجان‌ین اینشاسیندا دانیلماز بیر رول اوینایاجاقلارینا اینانیریق.
سونوج اولاراق آزربایجان ایشچی حرکتینین توم شهیدلرینی، اعدام ائدیلنلری و سیاسی محبوسلارینی و توم ازیله‌ن میللتلری سایغی و حؤرمتله آنیریق و توم ده‌یرلی زحمتکئشلرین بایرامینی تبریک ائدیریک.
آزربایجان سیاسی قورولوشلارینین امکداشلیق پلاتفورمو
آزوح - دیرنیش - گادپ
1 مای 2022
بیانیه پلتفرم همکاری سازمان‌های سیاسی آزربایجان به مناسبت روز جهانی کارگر
کارگران و زحمتکشان آزربایجان
فعالین حرکت ملی آزربایجان
امروز در شرایطی یک مه، روز جهانی کارگر را جشن می‌گیریم که در نتیجه سیاست‌های نابخردانه رژیم جمهوری اسلامی ایران معیشت و گذران زندگی کارگران و طبقه زحمتکش به حدی بغرنج شده است که حتی تأمین «نان» که اساسی ترین آذوقه انسان‌هاست برای برخی طبقات به چالش تبدیل شده است. به جرأت می‌توان گفت چنین وخامتی در وضعیت اقتصادی کشور تنها با قحطی‌های اوایل قرن بیستم قابل مقایسه است. به‌رغم این وضعیت اسفبار رژیم غرق در فساد جمهوری اسلامی هنوز با ماجراجویی‌های ایدئولوژیک خود مشغول است و آخرین چیزی که فکر می‌کند معیشت مردم است.
کارگران آزربایجانی و تورک
با اینکه اندیشمندان و حاکمان کمونیست و سوسیالیست، سال‌ها جنبش کارگری را در تارهای ائدیولوژیک گرفتار کرده و تلاش کردند دفاع از حقوق کارگر و مبارزات کارگری در جهان را مختص سوسیالیست‌ها و کمونیست‌ها نشان دهند و مانع از تبلور ماهیت دمکراتیک مطالبات کارگری شوند، اما جنبش‌های مستقل کارگری توانستند این ذهنیت را شکسته و تعریفی جدید از حقوق مادی و معنوی کارگر را در اقتصاد نوین جهان ارائه دهند. امروزه جنبش‌های کارگری بخش مهمی از مبارزات دمکراتیک هستند و طبقه کارگر با آشنایی از مبانی دموکراسی مطالبات مدرن خود را بر میز مذاکره و حتی کف خیابان‌ها بیان می‌کند.
در عین حال امروزه شاهد آنیم که جنبش کارگری آزربایجان و سایر ملل تحت ستم در ایران با درک واقعیات رنج‌آور توسعه نامتوزان در ایرانِ به شدت متمرکز می‌داند که حتی مصائب کارگران در ایران به صورت مساوی تقسیم نشده است و کارگر و زحمتکش تورک، کورد، عرب، بلوچ و لر محروم‌تر و مظلوم‌تر است. لذا همین آگاهی مبارزات کارگری را به مبارزات ملی – دمکراتیک پیوند می‌دهد تا در سایه «عدالت و سعادت ملی» کارگران نیز از حقوق مساوی برخوردار باشند. امروز نخبگان و پیشقراولان جنبش کارگری آزربایجان با کوله باری از تجربه‌های تاریخی و فکری می‌دانند که متاسفانه جنبش کارگری و جنبش چپ نیز در مناطق مرکزی ایران در اندیشه‌های انحصارطلبانه و تمامیت‌خواهانه «ایرانشهری» گرفتار شده‌اند و آگاهانه و یا ناآگاهانه در مقابل تقسیم عادلانه قدرت و ثروت مقاومت می‌کنند. تاریخ معاصر جنبش کارگری سراسری نشان داده است که در سر بزنگاه‌ها جنبش کارگری ملل تحت ستم قربانی مصلحت‌های تمرکزگرایانه می‌شود.
اینکه در سال‌های گذشته شعارهای جنبش کارگری آزربایجان غالباً به «زبان مادری» بوده نشان می‌دهد در آزربایجان جنبش کارگری نیز مانند سایر جنبش‌ها از جمله جنبش زنان و جنبش دانشجویی به این خودآگاهی رسیده است که بدون رفع ستم ملی و تقسیم عادلانه قدرت و ثروت هیچ طبقه‌ای در آزربایجان و سایر نقاط ایران به سعادت نخواهد رسید، فلذا همه باید در این راستا متحد و یکپارچه باشند.
اعتصابات چند ماه اخیر کارگران آزربایجانی نشان داده است که جنبش کارگری در آزربایجان زنده و پویاست و می‌تواند یکی از وزنه‌های مبارزات دمکراتیک و آزادیخواهانه مردم آزربایجان باشد. ولی در عین حال بایکوت خبری این اعتصابات توسط رسانه‌های فارسی بار دیگر نشان داد که تمرکزگرایان حتی جنبش کارگری آزربایجان را از دریچه تنگ تمامیت‌خواهی خود می‌نگرند.
ما به‌عنوان پلاتفرم همکاری سازمان‌های سیاسی آزربایجان ضمن تبریک «اول ماه مه» روز جهانی کارگر اعلام می‌داریم، همواره بر «سعادت و رفاه ملی برای همه طبقات اجتماعی» آزربایجان تاکید و اصرار داشته، با تمام پتانسیل در کنار مبارزان جنبش کارگری آزربایجان بوده‌ایم و خواهیم بود.
از نظر ما جنبش ملی کارگری آزربایجان که برای سعادت و رفاه و کسب حقوق کارگر آزربایجانی مبارزه می‌کند، بخش جدایی‌ناپذیر از پیکره حرکت ملی آزربایجان می‌باشد و تکمیل‌کننده پروسه تاریخی حرکت ملی برای رفاه و سعادت ملی می‌باشد که در سایه تحقق حق تعیین سرنوشت متصور است.
باور داریم کارگران و نخبگان جنبش کارگری آزربایجان نقش انکارناپذیری در ساختن آزربایجانی آزاد و دمکراتیک خواهند داشت.
در پایان با ادای احترام به همه شهدا و اعدام شدگان و زندانیان سیاسی جنبش کارگری آزربایجان و تمامی ملل تحت ستم بار دیگر یک ماه مه را برای همه کارگران عزیز تبریک می‌گوییم.
پلتفرم همکاری سازمان‌های سیاسی آزربایجان
آزوح – دیرنیش – گآدپ
1 می 2022
