آتا،
آنا،
توپراق،
دیلیم،
تورک ائلیم،
هارادان تاپدین،
"آذری" نی سن منه؟.
گل باریشاق،
گل دانیشاق،
دیلداشیق!
سویلمه کی،
من ائلیمین،
من دیلیمین، دوشمانین
محاربه میدانینا چاغیردیم.
تورک ائلیمین،
توپراغی دا،
داشی دا
چایدان آخان سئل لری ده
یاشی دا،
قوجالارین کیرپیکی ده،
قاشی دا،
آنالارین لای لای سی،
های سی،
شاعرین بیرینجی سؤز شعرلری
"تورکی دئدیم اوخوسون لار اوزلری".
آتا،
آنا،
توپراق،
دیلیم،
تورک ائلیم،
هارادان تاپدین،
"آذری" نی سن منه؟.
