قوْرخما دانیش،
قوْي گۆل آچسین باغچالار
سۇسان قۇشلار،
گۆلو،
باغی،
نبیلیر!.
باغ يانیب دیر،
گۆل سۇلوبدور،
بۆلبول لر،
سس سێز،هاي سێز،
دار قفس ده، دۇستاقدا.
قوْي آچیل سێن،
داشسین سؤزون چايلاری
سیلسین آپارسین،
اۆرکدن پاسلاری،
آيدین لاشسین،
گۆنش لنسین بۇ يوْللار
يوْلدان قالخسین بیر آتلی نین،
آت توْزو.
دیله دۆشسون آغ آتلی اوْغلان سؤزو.
قوْرخما دانیش،
قوْي آچیلسین دیل دوْداق،
باغچالارین گۆلو آچسین،
گۆل لنسین
يالنیش قالان،
دیل،
باشقادان بللنسین.
