بوُ بوُلوُمدۀ بیرآزایرۀ لی گئدرئک دئمئک لازیم دیرکی ، آذربایجان توُرکلرینین آیدین، دوُشونن ، قلم صاحیبلری ایسترایراندا ؤ یا سوُنرالاراوُزوُن ایللردن بئری خاریجدۀ یاشارکن ، مینلرلۀ علمی، أدبی، تحقیقی کیتابلار، روُمان لار، شعرلرین فارس دیلیندۀ یازیب ؤاوُنوُنلا یاناشی چوُخ سایدا روُس ، اینگیلیس، آلمان ، فرانسا ؤسایرۀ خاریجی دیللردۀ یازیلمیش علمی ، أدبی ، کیتابلاری دا فارس دیلینۀ ترجوُمۀ اتمیشلر. بئلۀ لیکۀ دۀ یوُز ایلدن آرتیق بیر پروُسئسدۀ توُرک دیلین کوُلگۀ دۀ بوُراخیب فارس دیلینۀ ترجوُمۀ اتمیشلر، بئلۀ لیکلۀ دۀ فارس ادبیاتی نین غنی لئشمۀ سی ؤ گوُجلئنمۀ سینۀ  چوُخ بوُیوک خیدمت لراتمیشلر ؤ هئلۀ دۀ ائدیرلر!     

نۀ یازیق کی حتی بیر علمی ، أدبی کیتابدا هئرهانسی خاریجی دیلدن اوُلوُرسا، آذربایجان توُرک دیلینۀ ترجوُمۀ اتمۀ میشلر! بوُنوُن سببی دۀ همان اوُزوُن ایللردن باشلانمیش فارس دیلینین باسغی تأثیرلری ؤ(آسیمیلاسیون) دئیلن آفتین آنا دیلیمیزۀ وُوُردوُقوُ ضربۀ لرین نتیجۀ سی دئییرمی؟ ؤ یا اوُزآنا دیلیمزۀ، میللی کیملیگیمیزۀ سایماز یانا لیقلا یاناشیب، فارس ایرقچیلاری نین یوُلوُنا چیراغ اوُلماق دئییرمی؟!

بیرآزدیققت اتدیکدۀ گوُروُنورکی آذربایجان توُرکلرینین اوُزلئشدیگی اوُزمیللی وارلیقینا بیگانۀ لیگی نین ریشۀ سی ، سببی اوُزوُن یوُز ایللیکلردن بئری توُرک حاکیمییت لرینین اوُزآنا دیللرینۀ سایمازیانالیقلا یاناشماسی ؤ دینی اینانجلاردان قایناقلانیر، اوُیئردۀ کی گوُندۀ لیک تماسلاریمیزدا ، دوُستلارآراسی گوُروُشلریمیزدۀ، هامی توُرک اوُلدوُقو حالدا، آنجاق بیرفارس آرامیزا گئلدیکدۀ  هامیمیز فارس دیلیندۀ دانیبشماقا باشلییریق ! ؤ یوُنگؤل دلیل گئتیریب دئییریک (( بیزهامیمیز موسلمان ؤ شیعۀ یک ، توُرک فارس فرقی یوُخدوُر !)) بوُ سادۀ لیک ؤ اوُز آلدادیجی سوُزدن فارس ایرقچیلاری اوُزمنفعت لرینۀ یوُنئلیک سوء ایستیفادۀ ائدیب ، بیزلری آلدادیب ، اوُز هئگئمونیلرین اوُلدوُقجا یوُکسئلدیب ، گوُجلئندیرمیشلر.

باخین تاریخۀ حتی قاجارحاکیمییتی ، دوُولتی شاه ؤ ولیهدلری توُرک اوُلدوُقلاری حالدا، آنجاق بوُتوُن دوُولت فرمانلاری ایلۀ یاناشی حتی معاهیدۀ لر اوُجوُملۀ دن « توُرکمان چای معاهیدۀ سی دۀ » فارس دیلیندۀ یازیلمیشدیر! علاؤ اوُلاراق مشروطۀ اینقلابی نین آنا یاساسی دا فارس دیلیندۀ یازیلیر، نییۀ ؟!  نتیجۀ دۀ فارس دیلی توُرک دیلین اوُزتأثری آلتینا آلیب ، گوُزوُن چیخدی حالینا سالیر، عوضیندۀ فارس دیلینین گئت گئدۀ بئینیمزدۀ گوُجلئمۀ سینۀ  دۀ سبب وُلموُشدور.   

ایندی سوُزبوُردادیرکی ایران دئیلن اوُلکۀ نین داخیلیندۀ یا خاریجدۀ یاشیییان توُرک آیدین قلم صاحیبلریمیزهاچانا قئدرسوُسوُب، دانیشمییب، یازمییب، توُپلوُموُ اوُیاندیرماق اوُچوُن درک اتدیکلری حقیقتللری اوُزآنا دیللریندۀ یازماقدان احتیاط  ائدۀ جئکلر؟!

میللتیمزین بئینلرینۀ آشیلانمیش ایرانچیلیقلا یاناشی فارس دیلینین زئهرلی اتگیلرین ،  خرافاتلار ؤ موُهوُماتلار زنجیرین قیریب آتیب، تمیزلئمئگ اوُچوُن اوُزآنا دیلیمیز آذربایجان توُرک  دیلیندۀ آددیم آددیم یازماقا باشلییب ، مشق ائدیب ، یادلارین دیلیندۀ یازماقی ترک ائدۀ بیلۀ جئییک ؟

میللی شعوُروُموزوُن گوُن بۀ گوُن گوُجلئندیگی چاغدا ، شرایطین اوُیغوُن اوُلدوُقوسببی ایلۀ آنا دیلیمیزدۀ یازماقا باشلاماق ، توُرک میللتیمیزی اوُزوُن ایللردن بئری فارس دیلینین چمبرۀ سیندن ؤ اوُنوُن أسارتیندن قوُرتارماقین واختی زامانی گئلیب چاتمامیشدیرمی ؟

بوُگوُنکوُ چاغدا اینسان اوُغلوُعلم تکنوُلوُژی، اینترنت ؤباشقا جوُربۀ جوُریئنی اینکیشاف  لارسایۀ سیندۀ آییا، اوُلدوُزلارا گئدیب گئلیر، یارانیشین، کائیناتین، آیین گوُنشین ، اوُلدوُزلارین ، طبیعتین بیرچوُخ گیزلی سیرلرین اوُیرۀ نیب ؤ اوُیرۀ نمئکدۀ دیر، آنجاق نۀ یازیق کی بیزشرق موُسلمان میللت لری هئلۀ دۀ 1400 ایل بوُندان قاباقکی عربستان چوُللریندۀ باش وئرمیش حادیثۀ لرین ، اوُیدوُرمالاری، ناغیل لاری چئنبرسیندۀ ؤ ایچی بوُش ، یالان حکایۀ لرین جایناغیندا أسیر قالیب ، هئلۀ دۀ اوُزوُموزۀ گئلۀ بیلمییریک !؟

بئلۀ اوُلدوُقو حالدا ایندی سوُرغوُ بوُدوُر؟

بیزایلک باشدا اوُزوُموُزدن باشلامالییق ، یالانچی تابوُلاری سیندیریب ، فیکیریمیزی قانداللامیش زنجیرلری قیریب آتیب، حقیقت لری قبوُل ائدیب ، باشقالارینادا آنلاتمالییق،  گئریجیلگۀ ، اوُمت چیلیگۀ سوُن قوُیماقین، اوُنو ترک اتمئگیمیزین ؤ آیدین ، چاغداش اینسان اوُلماقیمیزین واختی زامانی دئییرمی ؟

 آذرخش . 28 / 4 /