ایران آدلانان ممالیک محروُسۀ دۀ بوُ دفعۀ کی سئچگیلراوُیوُنو کئچمیشلردن فرقلی اوُلاراق ، رژیم اوُچوُن اوُلوُم قالیم مسئلۀ سینۀ چئوریلمیشدیر، بیلدیگیمیزکیمی بوُگوُنکو حساس گوُنلردۀ اوُلکۀ نین بوُتوُن بوُلگۀ لریندۀ ، خصوصی ایلۀ گوُنئی آذربایجاندا میللی فعاللاریمیزا باسقی لار گوُجلئندیکجۀ سیاسی ، ایقتیصادی ، سوُ ، أمنییت ، مدرسۀ ؤبیرچوُخ باشقا علاج سیزپروُبلملر داها ایلدن ایلۀ یوُخ بئلکۀ گوُندن گوُنۀ قات قات چوُخالماقلا ، توُپلوُمون نفسین کئسمئکدۀ دیر!

رژیم بوُگوُن بیربیریندن اوُجا اوُلان داغلارکیمی  بحرانلارین قارشیندا عاجیز قالیب ، چیرپینماقدا اوُلاراق، تکجۀ سیلاح گوُجوُنۀ آرخالاناراق محروُم توُپلوُمون اعتراض سئسلرین کئسیب ، بوُغوُب ، توُتوُقلامالارا باشلییب  ؤ گیزلی آشکار  زیندانلاری دوُلدوُرماقلا مشغوُل دوُر.

داها اوُزلری دۀ اینکار ائدۀ بیلمیرلر کی میلیوُنلارلا ایشسیزلر اوُردوُسوُ ، آجلیق ، اعتیاد، ایجباری فاحیشۀ لیک ، ایش یئرلرینین آردی آردینا باغلانیب ، تعطیل اوُلماسی ؤ آن اوُنئملی اوُلان اوُرموُ گوُلوُنون عمدی ؤ غرضلی اوُلاراق قوُروُدوُلماسی ، آذربایجانین یئرآلتی ثروتلرینین آمانسیزجاسینا غارت اوُلوُنماسی ؤ یوُزلرجۀ باشقا جینایتلرین ؤ فاجیعۀ لرین باش آلیب گئتدیگی بیر شرایط دۀ موُللا راسیست رژیمینین  بوُ فاجیعۀ لی بحرانلارا سایمازیانلیقلا یاناشماسی اوُلکۀ نین بوُگوُنکو دوُروُموُنون  منظرۀ سینین بیرکیچیک بوُلوُمو دوُر.

آدی گئدن فاجیعۀ لرلۀ یاناشی ، گوُردوُیوُموُز کیمی رژیم قوُندارما سئچگیلرموناظیرۀ سیند کاندید آدلانان رژیمین اوُنئملی عنصری هئر هانسی فیریلداقچی اوُیوُنلارلا بیربیرلرین ایفشاء ائدرئک  گیزلی ساخلانمیش جینایت لری ، اوُغوُرلوُقلارین اوُستوُن آچیب دئمئک مجبوُریینیندۀ قالیرلار، بوُاوُنوُ گوُستریرکی  بوُ دفعۀ رژیم اوُلوُم ، قالیم مسئلۀ سی ایلۀ اوُزاوُزۀ قالمیشدیر، علاوُ اوُلاراق خامنۀ ای نین خستۀ لیگینین گوُجلئنمۀ سی ؤ چارۀ سیز بیرحددۀ گئلیب چاتماسی دا ، رژیمین بوُندان سوُنرا نئجۀ داوام ائدۀجئیگی بوُیوُک بحرانا چئوریلمئکدۀ دیر.

بوُتوُن بوُنلار کئچمیشلردن فرقلی اوُلاراق رژیم باشچیلارینین ؤ اوُنلاری حمایۀ ائدن قوُوۀ لرین وحشت ؤ قوُرخوُسوُنا داها آرتیق سبب اوُلموُشدور، خصوُصی ایلۀ گوُنئی آذربایجاندا گوُن بۀ گوُن گوُجلئنن میللی حئرکاتین قارشسیندا عاجیز قالمیشدیرلار.

قئید اتمئک لازیم دیرکی رژیم کوُرد تروُریسمیندن نۀ اینکی قوُرخمور، بئلکۀ دۀ بوُ تروُریست گروُپا آذربایجانا قارشی یاردیملاردا ائدیر، رژیملۀ یاناشی خاریجدۀ یاشییان تاریخی توُرک آذربایجان دوُشمانلاری اوُلان جوُربۀ جوُر فارس راسیتلری، شاهچیلار، پان ایرانیستلر ؤ ایفلاسا اوُغرامیش جوُربۀ جوُرسوُلچوُ گروُپلارؤتشکیلاتلاردا گوُنئی آذربایجاندا میللی دیرچئلیش ، قوُرتوُلوُش دالغالاری    گوُجلئندیکجۀ ، هئر زاماندا اوُلدوُقوُ کیمی میللتیمیزۀ قارشی بیرلئشئرئک ، موُللا راسیست رژیملۀ أل بیراوُلوُب ، آردیجیل تخریباتلارین داوام وئرمئکلۀ ، همدۀ کوُرد تروُرچوُلارینین آرخاسیندا دوُروُب، اوُنلارین تجاوز ؤ ایشغالچی عمللرینۀ برائت قازاندیرماقا چالیشیرلار.

موُللا راسیست رژیمینین باشقا فیریلداقچی ، حیلۀ کار اوُیونلاریندن بیری دۀ ( قوُندارما مجلیس ؤ شوُرالار سئچگیلرینین بیرگوُندۀ کئچیریلمۀ سی دیر! بوُ فیریلداقچی اوُیوُنون هدفی ایلک گوُندن بوُ اوُلموُشدوُرکی هئر دفعۀ دۀ کئچیریلن سئچگیلری قالابالیق اوُلدوُقون  گوُسترمئگ اوُچوُن ، شوُرالار سئچگیلری ایلۀ مجلیس سئچگیلرین بیرگوُندۀ کئچیریلمۀ سی ؤ ایشتراک ائدنلردن فیلملر عکسلر چئکیب، اوُنلاری دوُنیا مئدیاسینا گوُسترمئکلۀ ، گوُیا رژیمۀ قانونی مشروُعییت قازانماق ؤ دوُنیا میللت لرین آلدادماق اوُنئملی هدف لردن بیری دیر! )

موُللا راسیست رژیمینین حیلۀ کارلیقی بئلۀ اوُلدوُقو حالدا ، آذربایجانلی لارین اوُرمودا ، سوُلدوُزدا ، تیکان تپۀ دۀ ؤ باشقا غرب بوُلگۀ لریندۀ کئچیریلن شوُرالارسئچگی لریندۀ ایشتیراک اتمۀ لری ایجبار اوُزریندن اوُلسادا ، لاکین آذربایجانین باشقا چوُخ سایدا اوُزاق ، یاخین شئهر ؤ بوُلگۀ لریندۀ بئلۀ ایجبارین اوُلمادیقی نئدنیلۀ ، قوُندارما اوُیوُندان کناردا دوُروُب ، مجلیس سئچگیلری آدلان تیاتردان کناردا دوُروُب ، اوُنو بایکوُت ائدۀ بیلرلر. بوُ بیر نظر ؤ اوُنرگۀ دیر.

سوُنوندا میللتیمیزین ایرادۀ سینۀ باغلی دیر، لاکین بوُتوُن فیریلداقلارا ؤ ساختا کارلیقلارا باخمییاراق ، میللی قوُرتوُلوُش حئرکاتی دوُرمادان داوام ائدۀ جئک ؤ سوُنوندا میللتیمیزاوُز مقدس هدفینۀ أل تاپاجاق .

یاشاسین آذربایجان میللتی .  یاشاسین آذربایجان . آذرخش ــ 12 / 5 / 2017