هئر پدیدۀ نین ضیددی اوُنوُن اوُزایچیندن یارانار.

رنسانس دئیشیک لیگۀ دوُغرو یوُل ؤ یئندن دوُغوُش دئمئک دیر کی ایلک دفعۀ اوُلاراق قدیم یوُنان اوُلکۀ سیندان باشلانسدا آردینجا 15 ــ 16 ینجی یوُزایللیک دۀ ایتالیادا عملی  شئکیلدۀ اوُزۀ چیخیر ؤ آردینجا فرانسا ، آلمان ، اسپانیا ، هُلند کیمی اوُلکۀ لری دۀ اوُز ایچینۀ آلیر هدف کیلیسۀ لری ، کئشیشلرین حوُکمرانلیقلارین محدوُد اتمئک ، بوُتوُنلوُکلۀ عصرلر بوُیو حاکیم اوُلان موُهوماتا ، خرافات ، جهالتۀ قارشی  بوُیوُک بیر ایجتیماعی  حئرکت لرۀ چئوریلیر.

همان چاغدا آوروُپادا یاشییان توُپلوُملار کیلیسۀ لرین، کئشیشلرین ؤ نهایت دین گئریجیلیگینین أسارت زنجیریندۀ یاشییردیلار، رنسانسین هدفی توُپلومو اوُیاندیرماق ؤ یئنی چاغدا علمین ، صنعتین  فیزیک ، شیمی، اینجۀ صنعت  رساملیق ، هئیکل تراشلیق ؤ سایرۀ لرین اینکیشاف یوُللارین آچماق آیدین اینسانلاریئتیشدیرمئگ ایدی ، بیز بوُگوُن همان تلاشلارین نتیجۀ سی گوُز اوُنوندۀ دیر.

یوُخاریداکی قیسا مقدمۀ دن یوُلا چیخاراق ، لاکین موسلمان دوُنیاسیندا اوُمتچیلیک قایدالاری داوام اتمئکدۀ ایدی اوُجوملۀ دن بوگوُن ایران آدلانان اوُلکۀ دۀ !

ایسلام قیلینج گوُجوُ ؤ قتل عاملارلارلا ایرانا تحمیل اوُلدوُقو چاغدان اوُزوُ ایلۀ بیرلیکدۀ موُهوماتی ، جهالتی ، خرافاتی یئنی ؤ آلدادیجی شیوۀ لرلۀ گئتیردی ؤ همان چاغدان بوُ گوُنۀ قئدردۀ داوام اتمئکدۀ دیر، لاکین بوُ گوُنکوُ21 ینجی عصردۀ ایران آدلانان اوُلکۀ دۀ ایسلام ویلایت فقیۀ رژیمینین قوُروُلماسی ایلۀ، دئمئگ اوُلارکی بوُرژیمین عمللرینین نتیجۀ سیندۀ بیررنسانس یا (یئنی دن دوُغوُش) دوُورانی باشلانمیشدیر.

بیلدیگیمیزکیمی ایلک گوُندن ویلایت فقیۀ رژیمین ساخلییان اوُنون أمریندۀ اوُلان سپاه ، بسیج ، حزب الله ؤ لات لوُتلرین خالقین اعتراضلارینا قارشی هجوُملاری ایسلام دینی ؤ شیعۀ مذهبینۀ دایاناراق یاراددیقلاری جینایت لر، تجاوُزلار، زیندان ، ایشکنجۀ ، ترور، یالانچیلیق ، اوُغوُرلوُقلار ؤ سایرۀ فسادلار 39 ایللیک پروُسئسدۀ ایستر ایستۀ توُپلوُمدا یاشییان محروُم یوُخسول ، ایشچی ، کئندچی اینسانلارین أکثرییتی، ایسلاما، دینۀ، مذهبۀ دائیر باخیش ؤ نظرلری بوُتوُنلوُکلۀ دئیشمیشدیر.

ألبتۀ کی بوُ گوُنکوُ چاغیمیزدا تکنوُلوُژی علمینین یاراددیقی اینقلابی ، اینترنت ؤ جئب تلفوُنو ایلۀ خبرلئشمۀ لر، دوُنیادا جریان ائدن میللت لرین آزادالیق ، دموکراسی یوُلوُندا حئرکت لری ایستر ایستۀ مزایران آدلی جامعۀ دۀ یاشییان میللت لرین اوُیانیشیندا ؤ دوُشوُنجۀ لریندۀ بوُیوُک تأثیرلر قوُیموُشدوُر.

بوُ یئنی اوُیانیشی ؤ فوُناتیزم دن ، گئریجیلیک دن ، دین قایدالاریندان اوُزاقلاشماقی بیزاوُلکۀ دۀ یاشییان بوُتوُن محروُمییت دۀ ساخلانمیش ؤ تحقیر اوُلوُنموش میللت لردۀ گوُرمئکدۀ ییک ، خصوصی ایلۀ  گوُنئی آذربایجاندا کئچمیشلردن فرقلی اوُلاراق باشلانمیش میللی قوُرتوُلوُش حئرکتلرین گوُن بۀ گوُن گوُجلئنمۀ سی نۀ اینکی تکجۀ فارس راسیسمین یوُخ ائدۀ جئک ، حتی 1400 ایللیک ایسلام شیعۀ چیلیگی ایلۀ یاناشی حتی باش کئسیب ، اعدام ائدیب تجاوزلارائدن سُنی مذهبنین دۀ ایراندا ایفلاسا اوُغراماسین بیرگوُجلوُ رنسانس (یئنی دن دوُغوُش) مرحلۀ سینین باشلانیش آددیم لاری آدلاندیرماق اوُلار.

بو رنسانسی هئچ بیرخاریجی دوُولتین حربی هجوُمو ؤ یا هئچ بیرسوُلچوُ ، ساقچی ؤ هئرهانسی تبلیغاتلارایلۀ باش وئرۀ بیلمزدی، چوُنکی موُللالارین بیر دینسیز، کافردامغاسی ایلۀ آرادان گئدردی ، لاکین بوُأسارت زنجیری تکجۀ آیت الله لارین اوُز أللری ؤ اتدیگلری سانسیز حئسابسیز چیرکین عمللری ایلۀ ؤایسلامین أصلی چهرۀ سین اوُز عمللری ایلۀ آچیب گوُسترمئکلۀ اوُلا بیلردی، بئلۀ لیکۀ دۀ عصرلربوُیوُ جایناقیندا أسیراوُلدوُقوُموز چوُروُموُش موُهوُماتلاری، خرافاتلاری، جهالت لری تکجۀ ؤ آنجاق آیت الله لاراوُزعمللری ایلۀ تاریخین درین چوُپلوُیوُنۀ گوُموُلدۀ بیلردی . بوُ رنسانس یا یئنی دوُغوُشوُن روُشئیملری دیر کی گئرییۀ دوُنوُش یوُلوُدا یوُخدوُر.

آذرخش ــ 17 / 5 / 2017