رعیت چیلیک فئودالیسم نیشانۀ سی ، اوُمّت چیلیک ایسلام دینیین نیشانۀ سی ، هئرایکیسی دۀ یوُخسوُل  زحمتکش توُپلوموُ کوُلۀ لیکدۀ ؤ ایستیثمار جایناقیندا أسارت دۀ ساخلاماق مقصدی ایلۀ  بیربیرلرین تکمیلئشدیرۀ ن اوُرتا عصرلرۀ عاید اوُلان حوُکمرانیلق شیوُۀ لری دیر.

هئرایکی دوُشوَنجۀ عامیلی یوُزایللیکلر بوُیوُنجا جامعۀ دۀ یاشییان توُپلوُموُن اوُیانیشینین قارشیسندا بیراوُجا کئچیلمزدوُوارکیمی اوُلموُشدوُر ، آمما گئت گئدۀ زامانین دئیشیلمۀ سی ؤ ایش وسائیلینین بوُتوُن ساحۀ لردۀ تکاموُلوُنتیجۀ سیندۀ فئوُدالیسم ، اوُمتّ چیلیک ذهنییاتی داوام گئتیرۀ بیلمۀ دیکدۀ  مجبوُرییت نئدنیلۀ گئرییۀ آددیم آتماقلا ، جامعۀ دۀ یئنی چاغیقین طلب لری ایرۀ لییۀ دوُغروُ انتقال تاپار.

بواینتیقال ایران ممالیک محروُسۀ سیندۀ مشروُطۀ اینقلابی چاغیندان باشلانارکن ، پارلمان سیستمی نین یارادماسی ، دیگرطرفدن روُسییۀ دۀ اوُکتیابیر اینقلابینین غلبۀ سی فئودالیسم سیستمینۀ سوُن قوُیسادا، لاکین اوُ اینقلابین دالغالاری ایراندا فئوُدالیسمۀ ، رعیت چیلیک قایدالارینا غالیب گئلۀ بیلمۀ دی، ائلۀ کی قاجارشاهلاری ؤ شاهزادۀ لری اوُزلری بوُیوُک فئوداللار اوُلماقلا ، سوُنرلار ریضاخان اوُزوُدۀ بوُیوک فئودالا چئوریلرئک ، خان خانلیق ، أرباب رعییت لیک سیستمی داوام ائدیردی .

آمما سوُنراکی ایللردۀ ریضاخانین اوُلکۀ دن سوُرگوُن اوُلماسی ؤ دوُنیادا باش وئرمیش حادیثۀ لرین نئدنیلۀ ، توُپلوُموُن نیسبی اوُیانیشی ؤآیدین ضیالی اینسانلارین تاپیلماسی نتیجۀ سیندۀ اوُمّت چیلیک دئییمینۀ بوُیوُک ضربۀ دئیسۀ دۀ آمما فئودالیسم سیستمی 1341 ینجی ایلۀ قئدرداوام ائدیر، لاکین اوُمتّ چیلیک ذهنییاتی کئندلردۀ یاشییان عوام کوُتلۀ لرین دوُشوُنجۀ سیندن سیلینمیر، بیرحالداکی سیاسی حیزب لرین ، صینفی سندیکالارین ، گاذت ، ژوُرنال ، سینما ، تئاتر، رادیو کیمی یئنیلیکلرین جامعۀ یاییلماسی اوُیانیشا دوُغرو بوُیوُک تأثیرلری اوُلسادا ، اوُمتّ چیلیگۀ عملی شئکیلدۀ غالیب گئلۀ بیلمیر.

                           میللت اوُلماقا گئدن یوُل میللی موجادیلۀ دن دوُغوُلار .

موسلمان اوُلکۀ لردۀ اوُمّت چیلیکدن ؤ فئودالیسم سیستمی نین قئددارجاسینا حاکیم اوُلدوُقو بیر شرایط دۀ گوُنئی آذربایجان خالقی گئریجیلیگۀ، سوُمورگۀ چیلیگۀ سوُن قوُیماق ؤ چاغداش بیرتوُپلوُم کیمی میللت لئشمۀ مرحلۀ سینۀ آددیم آتماق ایرادۀ سی، چوُخ اوُنئملی سیچرایش مرحلۀ سی اوُلدوُقو حالدا، همدۀ مرحلۀ مرحلۀ آغیر موجادیلۀ طلب ائدر.

بوُنا گوُرۀ دۀ بئلۀ اوُنئملی کئچید مرحلۀ سین باجاری ایلۀ باشاچاتدیرماق اوُچوُن آیدین ضیالی ، ایمانلی شخصییت لرین اوُلماسی ایلۀ بیرلیکدۀ ، توُپلوُمو چئشیدلی سیاسی ، ایجتیماعی ، فرهنگی ، میللی دوُشوُنجۀ لرلۀ تانیش ؤ مجهز اتمئک لازیم دیر، میللت لئشمۀ نین نۀ اوُلدوُقوُن ؤ اوُنون فایدالارین ، ضرورتین توُپلوُما آنلادتماق لازیم دیر.

سئویندیریجی حال بوُدوُر کی بوُ گوُنکوَ گوُنئی آذربایجان میللتی نین آتا بابالاریمیز ؤ قهرمان آنالار، باجیلاریمیز مین ایللر بوُیوُنجا تام قئددارلیقلا حاکیم اوُلان فئودالیسمین ؤ اوُمّت چیلیگین قارانلیق چاغلارینا سوُن قوُیماق اوُچوُن مشروُطۀ اینقلابی ، خیابانی قیامی ، سئید جعفرپیشۀ وری، بهمن اینقلابی پروُسئس لریندۀ یوُزمینلرلۀ شهیدلر وئرمئکلۀ چئتین مرحلۀ نی آرخادا قوُیماقلا ، یئنی مرحلۀ یۀ آددیم آتمیشدیر، بوُگوُنکو میللی قوُرتوُلوُش حئرکات گوُنئی آذربایجان میللتی نین عملی عینی شئکیلدۀ آزاد موستقیل میللت اوُلماق هدفی  مقدس آمالیمیز ؤ کئچمیش موبارزۀ لرین داوامی اوُلدوُقو حالدا، لاکین هئلۀ أصلی هدفۀ چاتماق اوُچوُن قارشیمیزدا آغیراوُچوُروُملار دوُرماقدا دیر، بوُنا گوُرۀ دۀ تدبیرلی دوُزوُملو اوُمیدلی اوُلماقی طلب ائدر، قارشیدا اوُلان چئتین یوُللاردان باجاری ایلۀ کئچیب موُوفقییت ألدۀ اتمئگ اوُچوُن، سوُن سوُزوُ ایچئریدۀ اوُلوُم قالیملا اوُزاوُزۀ دوُروُب موبازۀ نی داوام اتدیرۀ ن میللیمیز تعیین اتمئلی دیر، خاریجدۀ بوُتوُن چئتینلیکلرۀ رغمن فعالییت گوُسترن آذربایجان میللتی نین قوُرتوُلوُشون آرزوُ ائدن میللی فعاللارین ؤظیفۀ سی هئرزاماندا اوُلدوُقوُکیمی میللی حئرکاتین سئسلرین دوُنیا میللت لرینۀ ؤ بین الخالق تشکیلاتلارا چاتیرماق ؤ میللتیمیزین مظلوُمییت سئسین یاییب گوُسترمئکدیر. سوُن سوُزوُ میللتیمیز اوُزوُ دئمئلی دیر.

آذرخش ــ 26 /5 / 2017