حوُرمتلی جناب علی سلیمانی بئی : بیلمۀ لی سیز کی ،

گوُنئی آذربایجان میللی حئرکاتی سراب دئییر، گوُنش کیمی گوُروُنن حقیقت دیر.

سیزین فیس بوکدا یازدیقینیز مقالۀ نی اوُخوُدوُم ، آردیجنجا ایلک باشلانیش اوُلاراق سیزۀ بیر قیسا جاواب یازدیم . ایندی بیر آز اطرافلی یازینی سیزۀ ؤ بوُتوُن علاقلی دوُست لارا تقدیم ائدیرۀ م .

https://www.facebook.com/ali.suleymani1/posts/1650325608333225

1 ـ ایلک باشدا منی تعجوُب لئندیرۀ ن مسئلۀ بوُ اوُلدوُ کی جنابیز آذربایجانلی ، توُرک اوُلدوُقوُنوُز حالدا ، تأسوُفلۀ بوُ اوُزوُن مقالۀ نی فارس دیلیندۀ قلمۀ آلیب سیز!؟ هئچ اوُلماسا بوُ اوُزوُن ایللردۀ آنا دیلدۀ یازیب اوُخوماقی دوُغروُ دوُزگوُن اوُیرۀ نۀ بیلمئیب سیز !

ألبتۀ کی بعضی حاللاردا ضروری اوُلدوُقوُنا گوُرۀ " فیس بوُکدا" بیرنئچۀ کلمۀ فارس دیلیندۀ یازماق اوُلار، آمما میللی حئرکات حاققیندا بئلۀ بیرمقالۀ نی یازماق، ألبتۀ کی درین دوُشوُنجۀ ، میللی مفکوُرۀ ؤ صداقت ایستر.

2 ـ گوُنئی آذربایجانین اوُیانیشی ، میللی کیملیگین دیرچئلیشی هئچ زاماندا بوُگوُنکوُ سوییۀ دۀ اوُلمامیشدی ، بوُنا گوُرۀ دۀ رنگا رنگ دوُشمانلاریمیزی قوُرخوُیا ، وحشتۀ سالاندا ائلۀ بوُ مسئلۀ دیر، بوُگوُنکو میللی حئرکات داها کئچمیشلرۀ اوُخشار حئرکت دئییر، چوُنکی بوُگوُن نۀ روُس سوُسیال ایمپریالیسمی وار، نۀ دۀ اوُنوُن جوُربۀ جوُر نوُکرلری کی 70 ایلدن آرتیق بیزیم میللتیمیزی «ایران پرست» لیک نن آلدادمیشدیلار، مسکوُو ایمام زادۀ سین هئلۀ دۀ بوُراخمییان لار، گوُروُروُک کی بوُتوُن دوُنیادا اعتیارسیزاوُلوُبلارؤایفلاسا اوُغرایب لار، آیریجا شوینیست پهلویلر رژیمی نین توُر توُکوُنتوُ لری دۀ پاسیف ؤ اعتییار سیزاوُلوُبلار، ایندی دۀ موُللا رژیمی ایلۀ آذربایجان علیهینۀ بیرلئشیبلر!    

3 ـ 40 ایلۀ یاخیندیرکی ممالیک محروُسۀ ایراندا حاکیم اوُلان ایسلام ناب محمدی " ویلایت فقیۀ" رژیمی اوُز اصلی خاصییتیندۀ اوُلدوُقوُکیمی گئریجی ، ترورچوُ، فارس ایرقچی لیقینا دایالی اوُلماقلا اوُز موُندار عمللری ایلۀ تاریخین أن دهشتلی جینایت لرین یارادمیش بیر قوُرقوُدوُر، بوُ رژیم هم ایران آدلانان اوُلکۀ دۀ یاشییان میللت لرین آراسیندا، همدۀ دوُنیا مقیاسیندا یاشییان اینسانلارآراسیندا ترورچوُ، تجاوزکار، جینایتکاراعتیبارسیزبیررژیم اوُلاراق تانینمشدیر ، بوُگوُنۀ کیمی تکجۀ دوُنیا غارتگرلری اوُز گوُدۀ موُددتلی منافع لرین نظردۀ آلاراق ؛ تئهران رژِمین حمایۀ اتمئکدۀ دیرلر، آمما هئر باشلانیشیندا بیرسوُنوُ وار.

4 ـ رژیم بوُ 40 ایلدۀ ایران آدلانان یئردۀ تاریخین أن بوُیوُک جینایتینۀ ، خئیانتینۀ ، غارتچیلیگینۀ أل آتمیشدیرکی هئر کئسین گوُزوُ اوُنوندۀ دیر، آمما بوُ پروُسئسدۀ بیر بوُیوُک ، تاریخی حادیثۀ دۀ باش وئرمیشدی ، بوُ رژیمین اوُز خاصییتیندۀ اوُلان قاچینیلمازعمللری ایلۀ 1400 ایللیک موهومات ، خرافات ، جهالت زنجیرلری نین چوُروُمۀ سینۀ دۀ زمین یارادمیشدیر؛ دوُنیادا هئچ بیر گوُجلو قوُدرت مین میلیاردلاردوُلار پوُل ، سیلاح صرف اتسئیدیلر، اوُضربۀ لری کی موُللا اوُزوُ دینی جهالتۀ وُوردوُ وُورا بیلمزدیلر؛ بوُ زنجیری تکجۀ موُللا لاراوُز چیرکین عمللری ایلۀ چوُروُدۀ بیلدیلر، اینانین کی گئلۀ جئک نئسل ایران دئیلئن یئرین هئرهانسی بوُلگۀ سیندۀ یاشاسالار، دیندن ، مذهبدن ، جهالت دن اوُزاق یاشییاجاقلار، بوُ بیر رنسانس یا یئنی دن دوُغوُش مرحلۀ سی دیر.

5 ـ آمما بیزی ایلگیلئندیرۀ ن مسئلۀ گوُنئی آذربایجاندا هئرگوُن تکامول تاپیب ایرۀ لییۀ دوُغروُ حرکت ائدن میللتیمیزین باغلیسیزمیللی حئرکاتی دیر ، بوُ حئرکاتی هئچ بیر گوُج ، قوُدرت ، تخریبات دایاندیرا بیلمز، قوُی دوُست پالتاریندا اوُلان دوُشمانلار، یالانچی لار باجاردیقلاری قئدر جئفنگییات یازسینلار،  بوُسئل آخدیقجا گوُجلئنۀ جئک اوُز یوُلوُن تاپاجاق ، اوُزوُ قارالیق مین اوُلوُ لرۀ قالاجاق

اوُرتا دوُغوُ ؤ توُرکییۀ مسئلۀ سینۀ گئلدیکدۀ ، بوُ مسئلۀ گوُنئی آذربایجانین مسئلۀ سی دئییر، آذربایجان مسئلۀ سین اوُرتا دوُغوُ ؤ یا توُرکییۀ مسئلۀ سیلۀ قاریشدیریب آرییا آتماق! میللی حئرکاتا قارشی یوُموُشاق تخریبات یارادماقدان باشقا بیر شئی دئییر.

اوُرتا دوُغوُمسئلۀ سین اوُردا منافع لری اوُلان گوُجلرین اوُز حاللارینا بوُراخساق بیزۀ داها صرفۀ لی دیر، چوُنکی بیزیم مسئلۀ میز گوُنئی آذربایجانین قوُرتوُلوُشوُ دور، پ کاکا ، آ کۀ پۀ ؤ سایرۀ لرین دیدیشمۀ لری بیزی مشغوُل اتمۀ مئلی دیر، چوُنکی بوُ بیزی اوُز ضروری مسئلۀ میزدن اوُزاقلاشدیرار. 

بوُ مقالۀ نی داها اوُزوُن ، اوُزادی یازا بیلردیم ، آمما ائلۀ بوُ مختصری یئترلی بیلیرۀ م ، هئرکئس بوُ قیسا مقالۀ دن اوُز پایین آلا بیلر. ( چالخالاندیقا ، قاریشدیقجا بوُ نئهرۀ ، یاغی یاغ ، آیرانی آیران اوُلاجاق .

یاشاسین میللی حئرکتیمیز ، یاشاسین آذربایجانیمیز. آذرخش 28 / 8 / 2017