هر ميلله‌تين اؤز توپراغي وار اؤز ديلي واردير

ديل يارديمي‌دير ائلله‌رين ائلده ديله ياردير

دونيادا آنا دوْغما ديلي بيلمه‌مه‌ك عاردير چوْخداندي قاليب اوْد وُورولان كؤز ديليميزده

يازماق اوْخوماق اوْلماليدير اؤز ديليميزده

آزر بالاسي ايللر اوُزون تحقير اوْلوبدور

كيمسه دانيشيب ديل سؤزونو تكفير اوْلوبدور

چوْخلار بو ديلي کسمک اوچون ال‌بير اوْلوبدور سانكي چيخاريب مين‌بيرايكي گؤز ديلميزده

يازماق اوْخوماق اوْلماليدير اؤز ديليميزده

نیسگیل‌دی بیزیم ائولادیمیز قوْنچادا سوْلسون

قوْی سئوسین اوُشاق دوْغما دیلیله یاشا دوْلسون

ایللردی یاساقلاردا قالان دیل آزاد اوْلسون یازسین بو ائلین اؤز بالاسی سؤز دیلیمیزده

يازماق اوْخوماق اوْلماليدير اؤز ديليميزده