( اینان )          

گَل رِِفرم ایله مسلمان , یئنی ایناما اینان

تَرک موهومات ایله , دُوز, دوغرو ایمانا اینان

سیل گوزون توپراغئنی , شک ایله او کئچمشینه

آل اَله بیلگی سیلاحئن , یئنی دورانا اینان

کامپوتر دِئمه شیطاندئر, اینترنت کافِر

دینی قوی مسجده گئتسین , علمه , اورفانا اینان

باطنین سیل , تمیز ایله , ساقّالی دیبدن واوردور

قوی خانم چادراسئن آچسئن , حوری , قئلمانا اینان

زور ایله وئرمه اَرَه , گَل بو صَغیر قئزلاری سن

کرامت قوی دَیَر اولسون , یا کی اَدنانا اینان

بو قدر من من اِدیب , الله صاحب چئخما

تولیرانس دونیاسئندا , بیر بویان , اویانا اینان

ایراندا تٌرک اولانئن , آزاد ایله سن ایسته گینی

انسانلار حاقئنا یوخسا , دَلی شیطانا اینان

گَل رِفرم ایلیّرَک , گوزللیکدن قورخمئیالئم

بو اشیلباخ تکی سَنده , قاشئ قیتانا اینان

اشیلباخ   01.11.1999