قنبر کیشی گاه یوُل گئدیر گاه دایانیر،

قارا بوُلوُت گوُی اوُزوُندۀ کیشنئییردی ،

کیشنۀ دیکجۀ ایلدیریملار شاخییردی ،

گوُز قیرپیمی آمانسیزجا گوُرشاد یاغیر،

درۀ لردن گوُروُلتوُلوُ سئللر آخیر،

گوُرشاد کئچیر، بوُلوُت قاچیر، گوُنش چیخیر،

گوُزللیکلرتوُرپاقلاردان باش قالدیریر؛

یاماجلارین خوُش قوَخوُسو اوُرۀ یی آچیر،

سئل سوُلاری یوُلوُن تاپیرآخیرگئدیراوُزاقلارا ،

گئدیر چاتیر ساکیت آخان خان آرازا،

بوُلوُنموش میللتین غملی آخان گوُزیاشلاری،    

اوُتای بوُتای افسانۀ سی ، بیرآنانین غم کئدری،

بیرگوُروُشۀ حسرت قالان باجی قارداش آرزوُلاری،          

         ***************    

قنبرکیشی یوُل گئتدیکجه اوُزاقلاشیر،

اوُزاقلاردا مه ایچیندۀ قیزیل قایا داشی گوُروُر،

گوُن چیخاندا قیزیل قایا قیزیل کیمی پاریلییار،

أسکی لردن آغ ساققاللار افسانۀ لراوُیدوُروَبلار،

گاه دئمیشلرشرورداکی داغدان قوُپموُش!

گاه دئمیشلریانا یانا گوُیدن دوُشوُب !

یا دئمیشلراوُزاقلاردان سئل گئتیریب !

حئکایه سی ، افسانه سی ، دیللرده دیر ،  

هئر کئس اوُنا بیر داستان یاراتمیشدی !

هاردان گئلیب ، نئجۀ گئلیب کیمسۀ بیلمیر؟ !

آنجاق ایندی یاماجلارین بئزۀ یی دیر،

               ****************

قوُجا قنبر آددیم آددیم یوُل گئدیردی ،

هئردن دۀ بیر قوُلاغینا سئس لرگئلیر!

بئش اوُچ اوُشاغ درۀ ، تپۀ قاچیردیلار،

اوُجا سئس نن ماهنی دئییب گوُلوُردوُلر،

بوُزآت سنی سرتوُولۀ دۀ باغلارام،

قیزیلدان گوُموُشدن سنی ناللارام ،              

اوُشاغ لاری ائشیددیکجۀ اوُزوُگوُلوُر،

یازهاواسی اوُشاغلارا روُح وئرمیشدی ،

قاچیردیلار گوُلۀ گوُلۀ، گاه اوُیا گاه بوُیانا،

تک توُک چیخان یاز گوُللرین دریردیلر،

بیردۀ دوُنوُب شاققیلداشیب گوُلوردولر،

اوُشاغلاری سئیراتدیکجۀ سئوینیردی ،    

اوُرییندۀ سوُنسوُز اوُمید جانلانیردی،

اوُز گئنجلیگین یادا سالیب آه چئکیردی،        

داهی لرین دئدیکلرین یادا سالیر،

دوُنیا بیر پئنجرۀ دیر، هئر گئلن باخیب گئدر،

قوُجا قنبر خئیاللارین جایناغیندا چیرپینیردی ،

آرخاسیندان قوُلاقینا تانیدیقی بیرسئس گئلیر!

سالام قارداش ، خئیراوُلسون گوُزل گوُنون ،

نۀ دیر یئنۀ غم کئدرین عالمیندۀ بوُغولوُبسان ؟

گاه جوُشوُرسان ، گاه گوُلوُرسن دانیشیرسان؟  

بیردئۀ گوُروُم نئدیردردین ندن بئلۀ کئدرلی سن؟!

گئل اوُتوُراق گوُزل کوُزل سوُز دانیشاق ،  

کئچمیشلردن ، یوُلداشلاردان بیز دانیشاق ،

خاطیرۀ لر شیرین آجی کئچیب گئدیب ،

کئدرلئنمۀ عزیز دوُستوُم ، زامان کئچیر،

هئربیردردین درمانی وار، چاره سی وار،

زامان کئچیر دوُنیا هئر گوُن تئزۀ لئنیر،

سوُلار آخار یامان یاخشی یوُلوُن تاپار،        

دوُیغوُلانما گئلۀ جئییۀ اوُمیدلۀ باخ ،    

     ******************

قنبرکیشی گوُلومسه یب بیرآه چئکیر،

گوُزلرینه سئوینج گئلیر، اوُرۀ کلۀ نیر،

سانکی بئینی خئیاللاردان آزاد اوُلوُر ،

گوُلراوُزنن یوُلداشینا ساغ اوُل دئییر،

پوُلاد قارداش یاخشی گئلدین تاپدین منی ،

کئچمیشلرین دنیزیندۀ غرق اوُلموشدوم ،  

دئلی لرتک دئیینیردیم ، چیرپینیردیم ،

کئدرلی ایدیم سنی گوُردوُم چوُخ سئویندیم ،

اوُرۀ یمۀ قوُوت وئردین ، دایاق اوُلدوُن ،

گئل اوُتوُراق گوُزللیک لردن دانیشاق ،            

کئچمیشلردن کلمۀ کلمۀ صوُحبت آچاق ،

بیردئۀ گوُروُم کیم آیردی بیزی بیزدن ؟

کیم یاراتدی اوُتای بوُ تای افسانۀ سین ؟

پولاد کیشی ائشیددیکجه قانی جوُشور،  

خاطیره لر دالغالانیب ، آشیر، داشیر،

یئنۀ منی سالدین قارداش بوُیوُک دردۀ،

هانسین دئییم ، نئجۀ دئییم هئچ بیلمیرۀ م ؟ !

کئچمیلری یادا سالیب دوُشوُندوُکجۀ ،  

سیخیلیرام ، آغری چوُکوُر اوُرییمۀ ،  

کوُر فئلئگین اوُیوُنلاری داوام ائدیر،