گوُنئی آذربایجاندا میللی دموکراتیک خالق قیامی تاریخیندن 75 ایل کئچسۀ دۀ ، لاکین زامان   کئچدیکجۀ دوُشوُنجۀ لریمیز دۀ تکامول تاپیر ؤ خطالاریمیزا قیرمیزی قلم چئکیب داها آرتیق اوُز میللی کیملیگیمیزی منیمسۀ میشیک ، ایللرسوُنرا زامان دئیشدیکجۀ 21 آذرقیامی نین سادۀ بیر حادیثۀ اوُلمادیقین درک اتمیشیک ، چوُنکی کی اوُ شانلی قیامین ریشۀ لری گوُنئی آذربایجان خالقینین حئییاتی نین عینی حقیقت لرینۀ باغلی ایدی، آزادلیق ، اینسان کیمی یاشاماق ، آنا دیلیمیزدۀ یازیب اوُخوُماق ، میللی طبیعی ثروت لریمزدن خالقین ریفاهی یوُلوُندا ایستیفادۀ اتمئک . .

هئلۀ مشروطۀ اینقلابیندان اوُن ایللرقاباقدان آذربایجانین محروُم ، یوُخسوُل کوُتلۀ لری دفعۀ لرلۀ مرکزۀ باغلی اوُلان خانلارین بئی لرین ظوُلم لرینۀ قارشی زامان زامان قیاملاری باش وئرمیشدی لاکین آذربایجاندا مفکوُرۀ لی موُدروک رهبر ؤ قاباقجیل شخصییت لرین یوُخلوُقوُ نئدنیلۀ موُثبت نتیجۀ ألۀ گئلمۀ میشدی،اوُلانلارایسۀ (ایران پرست لیکدن) فیکیرلرین قوُرتارا بیلمۀ میشدیرلر، تکجۀ پیشۀ وری ظاهیر اوُلماسی ایلۀ آذربایجانچیلیق ؤ قوُرتوُلوُش مفکوُرۀ سی خالقین شعوروُندا جوُجئرمئگۀ باشلادی ؤ گئت گئدۀ کوُک سالدی، چوُنکی اوُندان قاباقکی زامانلاردا هئلۀ پیشۀ وری کیمی شخصییت ظاهیر اوُلما میشدی، پیشۀ وری آذربایجان خالقینین سیاسی ، ایجتیماعی میللی طلب لری اوُزریندن تاریخین اوُیغوُن چاغیندا موبارزۀ مئیدانینا آددیم آتدی ، بوگوُرۀ دۀ اوُنوُن دانیشیقلاری ، یازدیقی مقالۀ لرین هئرکلمۀ سیندۀ تحسینۀ لایق آذربایجانچیلیق مفکؤرۀ سی وار کی اوُنوُ یئنی دن اوُخوُیوُب درک اتمئک لازیم دیر .        

تأسوُفلۀ دوُنیا سیاستی ائلۀ دئیشدی کی تاماهکارسوُموُرگۀ چی ایمپریالیست لر ؤ کرملین باشچیلاری بیرلیکدۀ فارس فاشیسمی ایلۀ سازیش ؤ ایش بیرلیگی ائدیب آذربایجانی قان گوُلوُنۀ چئویردیلر، بئلۀ لیکلۀ میللی حاکیمییت آرخاسیز قالیب نتیجۀ دۀ قانلی مغلوبییتۀ اوُغرادی، أن اوُنئملی ؤ عیبرت لی اوُلان توُدۀ پارتیاسی نین پان ایرانیست ماهییتلی رهبرلرینین همان پروُسئس لردۀ میللی حاکیمییت داغیلدیقدان سوُنرا،آذربایجان میللتی سوُی قیریما معروُض قالدیقی حالدا ، ایران مجلیسیندۀ اوُلان پان ایرانیست توُدۀ رهبرلری (شاهنشاهین) حضوُروُنا گئدیب اوُنا تبریک لردئییرلر.

قیساجاسینا دئسئک بئلۀ خائین حئرکتین چئشیدلی سبب لری وارایدی ، اوُجوملۀ دن :

1 ــ توُدۀ پارتیاسینین جعفر پیشۀ وری ایلۀ هئلۀ ریضاخان زیندانیندا اوُلارکن دوُشمانچیلیقلاری .

2 ــ میللی حاکیمییت قوُروُلدوُقدان سوُنرا 60000 نفر آذربایجانلیلارین توُدۀ پارتیاسیندان ایستیفاء وئریب میللی دوُولتۀ قوُشوُلمالاری ، توُدۀ رهبرلرین لاپ جین آتینا میندیردی ، چوُنکی اوُنلارآذربایجاندا هئر هانسی تشکیلاتین قوُروُلماسین اوُز دئدۀ مالی لاری حئساب ائدیردیلر ؤ موستقیل دموکراتیک حاکیمییتین میللی هدف لرلۀ یارانماسینا قارشی ایدیلار.

3 ــ خصوصی ایلۀ آذربایجاندا آنا دیلدۀ مدرسۀ لرین یارانماسی ایلۀ جیددی شئکیلدۀ موخالیف ایدیلر، اوُنلارآذربایجان توُپلوُموُنوُن اوُز آنا دیللری توُرکجۀ دۀ درس اوُخوُمالارین فارس دیلینین مغلوبییتی ؤ آذربایجان دیلی نین کوُلگۀ سیندۀ قالاجاقین دوُشوُنوُردوُلر، بوُراسیست دوُشوُنجۀ بوُگوُنۀ قئدردۀ حاکیم اوُلان موُللا راسیست رژِمیندۀ داوام اتمئکدۀ دیر.

4 ــ توُدۀ پارتیاسی نین قوُزئی آذربایجاندا اوُلان قالیقلاری پیشۀ وری نین ایستالین وسیلۀ سی ایلۀ قتلیندن سوُنرا درحال موقعییت دن سوُء ایستیفادۀ ائدرئک کرملین لۀ سازیش ائدیب آذربایجان دموکرات فیرقۀ سین ( خیزب توُدۀ نین ) آذربایجان تشکیلاتی آدلاندیردیلار ! ؟ بوُ گوُن بئلۀ ساختاکارلیقی گوُنئی آذربایجان میللتی قبوُل ائدن دئییر، چوُنکی اوُیانیش دوُرانی چوُندان دیر کی باشلانمیشدیر، خصوُصی ایلۀ کئچمیش 30 ایلدیر سوُویت فاشیسمی داغیلیب ؤ گوُنئی آذربایجان میللتی چوُخداندیرکی قانلار وئریب اوُزمیللی موستقیل قوُرتوُلوُش حئرکاتین یارادیب .

سوُزسوُزکی میللی حئرکات غلبۀ چالاجاق ؤ بوُتوُن میللی شخصییت لریمیزین آدلاری تاریخدۀ قیزیل حرف لرلۀ یازیلاجاق . یاشاسین واحید موستقیل آذربایجان .

9 / 12 / 2020 ــ غ . ش . آذرخش