۱. تشکیلات لار آراسیندا اورتاق ۲ بیلدیری و چاغریشین یاییلماسی بو آچیدان اونملی دیر کی؛ کیریتیک و حساس دونم ده میللی حرکت اولاراق میللی منفعت و چیخارلاریمیز دوغرولتوسون‌دا بیرله شیب و دوشمنه قارشی تک بیر یومروق اولماق پتانسییئله مالیک و لاییق‌ایک.
۲. سون ۱۵ ایلده چئشیتلی قونولاردا نقدر بیرئیسل و یاخود بیر نئچه تشکیلات لار آراسیندا ائتلاف یارانیب ایش بیرلیگه چابا گوسته ریلسه ده، بو دونه تمامیله فرقیلی اولاراق واحید بیر سس اولوب یوزده ۸۰ اورگوت‌لر (تشکیلات لار) آراسیندا ائتلاف یارانمیش اولدو.
۳. سون ۱۵ ایلده چئشیتلی قونولاردا او جمله دن ۸۵ نجی ایلین خرداد قیامی، اورمو گولونون قورودولماسینا قارشی آکسییالار، فیتیله پروقرامی‌نین تورک لره اهانتی اساسین دا آکسییا و سون اولاراق قاراباغ مسئله سی ایله ایلگیلی آکسییالارین هامیسی گونئی آذربایجان میللی حرکتی اولاراق تپکی‌سل ( واکنشی) اولموشدور، آما بو آکسییا اونجه کی آکسییالارین ترسینه تمامیله کنشی بیر آکسییا اولاراق، باشدا میللتیمیز اولماق اوزره میللی حرکتین گوجونو بیر داها میدانا قویوب و گونئی آذربایجان دا "میللی حرکتین" ان اساس و ائتگیلی بیر جریان اولدوغونو بیر داها هر کسه گوسترمیش دیر.
۴. گونئی آذربایجان میللی حرکت بیر بوتون اولاراق سون ۱۵ ایلده مرکز دن وئریلن چاغریشلارا یوخ دئییب و قاریشمایاراق ، بو دونه‌کی آکسییالار دا گئدن سلوقانلار ( شعارلار) بیر داها میللی حرکتین طلب‌لرین و نه ایسته دیگینی بیر داها اورتایا قویموشدور.
۵. گونئی آذربایجان میللی حرکتی اولاراق، یالنیز و یالنیز ایلک دفعه اولاراق ایران آدلانان اولکه ده یاشایان باشقا میللت لردن حمایت ائتمیش اولدوق.
۶. باشدا ایران اسلام فارس شعوبی رژیمی اولماق اوزره باتی آذربایجان توپراقلاریمیزا گوز تیکن تروریست لره بیر داها اویاری اولاراق گوجوموزو گوسترمیش اولدوق کی بیز ایسته دیگیمیز زامان ایسته دیگیمیز ایشی گوره ریک.
۷. بو آکسیایا قارشی اولان بیر سیرا بارماق ساییسین دا اولان حریف‌لرین کی اوزلرین دن باشقا کیمسه نی بئینمه ییب و "بوردا منم بغداد دا کور خلیفه" مسئله سی کیمی گورن لرین اللرینه حساب گلدی و بیر داها اوزلری یئره سورتولموش اولوب و بورونلاری‌نین یئلی آلیندی.
۸. ایران اطلاعلات ادره سی نین هده قورخولاماسی و چئشیتلی میللی فعاللارین توتوقلانماسینا راغمن میللی فعالارین اشتراکی آز اولموش اولسادا؛ بو دونه کی آکسییا دا گونئی آذربایجان میللتی اولاراق اشتراک ائدیب بیر داها میللت اوز گوجونو گوسترمیش دیر.
یازار : آلپ تورانلی
آلپ توران اوغلویام/ تورک ائلینه باغلییام
