دیرلی یوردداش‌لار
عزیز میللی فال‌لار
گونئی آزربایجانین آزادلیغی و قورتولوشو اوغروندا فارس فاشیزمی باشدا اولماق عذره قددار ایران ایسلام حاکمیتینه قارشی موجادیله وئرن بوتون میللی-سیاسی قوروم و پارتیا‌لاری‌نین بیر چاتی آلتیندا بیرلشمه‌سی تاریخی صرورت‌دن دوغان واجیب و حیاتی بیر مسئله اولا‌راق اوزون ایللردن بری ایستر ایچری، ایسترسه‌ده خاریج‌دکی میللی حرکاتیمیزین قارشی‌سیندا دایانیب و هر زامان اونون گوندمینده اولموش‌دور.
میللی حرکاتیمیز اوچون اولدوقجا واجیب و اؤنم‌لی اولان بو مسئله‌نین دوغرولتوسوندا، گونئی آزربایجانین بیر نئچه میللی-سیایی قوروم و پارتیا‌لاری، ائله‌جه ده میللی شخصیت‌لر و میللی فال‌لاری اوزون زامان‌دان بری آپاردیق‌لاری موذاکیره‌لر و دانیشیق‌لارین آردین‌دان شنبه گونو فئورال آیی‌نین 17-سی 2018-جی ایلده آلمانیانین کؤلن شهرینده بیر آرایا گله‌رک، بیر پلاتفورم اساسیندا واهید بیر جبهه‌نین یارادیلماسی اوچون اوچونجو توپلانتی‌سینی کئچیرمیش‌دیر.
بو توپلانتیدا، تشببوس قوروپو و اساسنامه کومیسیونو طرفین‌دن حاضرلانان گونئی آذربایجان میللی جبهه‌سی‌نین مرامنامه و نیزامنامه‌سی‌نین بعضی موباهیسه‌لی بندلری اوزرینده دارتیشیلیب و ایشتیراکچی‌لارین اؤنری‌لری نظره آلینمیش‌دیر.
گونئی آذربایجان میللی جبهه‌سی‌نین یارادیلماسی مقصدی ایله کئچیریلن بو توپلانتیدا، ایلک اولا‌راق میللی-سیاسی قوروم و پارتیا‌لارین تمسیلچی‌لرین‌دن و میللی شخصیت‌لرین‌دن عبارت بو جبهه‌نین قوروجو هئیتی یارانمیش و بئله‌لیکله ده تشببوس قوروپو و اساسنامه کومیسیونونون ایشی باشا چاتمیش‌دیر.
قوروجو هئیت، اؤز ایچین‌دن بئش کیشی‌لیک بیر ایشچی قوروپو سئچه‌رک، یاخین گله‌جکده گونئی آذربایجان میللی جبهه‌سی‌نین بیرینجی قورولتایی‌نین کئچیریلمه‌سینه قرار وئرمیش‌دیر.
ایشچی قوروپو، کؤلن شهرینده کئچیریلن و بو توپلانتییا قاتیلمایان گونئی آزربایجانین بوتون میللی-سیاسی قوروم و پارتیا‌لارینی، ائله‌جه‌ده میللی شخصیت‌لر و میللی فاللارنی بیر آرایا گتیریب و ایلک قورولتایا قاتیلما‌لاریندا، قوروجو هئیت طرفین‌دن گؤرولندیریلمیش‌دیر.
گونئی آذربایجان میللی جبهه‌سی- قوروجو هئیت
21.02.2018
Güney Azərbaycan Milli Cəbhəsi- Qurucu Heyət: 1-ci Bildiriş
Dəyərli yurddaşlar
Əziz milli fəallar
Güney Azərbaycanın azadlığı və qurtuluşu uğrunda fars faşizmi başda olmaq üzrə qəddar İran islam hakimiyyətinə qarşı mücadilə verən bütün milli-siyasi qurum və partiyalarının bir çatı altında birləşməsi tarixi zərurətdən doğan vacib və həyatı bir məsələ olaraq uzun illərdən bəri istər içəri, istərsədə xaricdəki milli hərəkatımızın qarşısında dayanıb və hər zaman onun gündəmində olmuşdur.
Milli hərəkatımız üçün olduqca vacib və önəmli olan bu məsələnin doğrultusunda, Güney Azərbaycanın bir neçə milli-siyayi qurum və partiyaları, eləcə də milli şəxsiyyətlər və milli fəalları uzun zamandan bəri apardıqları müzakirələr və danışıqların ardından şənbə günü fevral ayının 17-si 2018-ci ildə Almaniyanın Köln şəhərində bir araya gələrək, bir platform əsasında vahid bir cəbhənin yaradılması üçün üçüncü toplantısını keçirmişdir.
Bu toplantıda, təşəbbüs qurupu və əsasnamə komisiyonu tərəfindən hazırlanan Güney Azərbaycan Milli Cəbhəsinin məramnamə və nizamnaməsinin bəzi mübahisəli bəndləri üzərində dartışılıb və iştirakçıların önəriləri nəzərə alınmışdır.
Güney Azərbaycan Milli Cəbhəsinin yaradılması məqsədi ilə keçirilən bu toplantıda, ilk olaraq milli-siyasi qurum və partiyaların təmsilçilərindən və milli şəxsiyyətlərindən ibarət bu cəbhənin Qurucu Heyəti yaranmış və beləliklə də təşəbbüs qurupu və əsasnamə komisiyonunun işi başa çatmışdır.
Qurucu heyət, öz içindən beş kişilik bir işçi qurupu seçərək, yaxın gələcəkdə Güney Azərbaycan Milli Cəbhəsinin birinci qurultayının keçirilməsinə qərar vermişdir.
İşçi Qurupu, Köln şəhərində keçirilən və bu toplantıya qatılmayan Güney Azərbaycanın bütün milli-siyasi qurum və partiyalarını, eləcədə milli şəxsiyyətlər və milli fəallarnı bir araya gətirib və ilk qurultaya qatılmalarında, Qurucu Heyət tərəfindən görəvləndirilmişdir.
Güney Azərbaycan Milli Cəbhəsi- Qurucu Heyət
21.02.2018
