ایراندا برابر حاق‌لار اوچون قادین‌لارین موجادیله‌سی‌نین آرتیق کوتلویلشدیگی سؤیله‌ین امیر مردانی ‘ازربایجان میللی هرکاتینین’ قادین مسئله‌سی ایله علاقه‌دار یاخشی بیر گؤرونتو سرگیلمدیگینی ایفاده ائدیر.
گونئی‌لی ژورنالیست و میللی فعال (آذوح سوزجوسو) آمئریکانین سسی ایله صحبتده ایراندا سون واخت‌لار گئنیشلنمکده اولان قادین حرکاتی‌نین دیرلندیریب و میللی حرکاتدا قادین‌لارین فعال‌لیغی حاقیندا دانیشیب.
امیر مردانی‌نین دئدیک‌لرینه گؤره، “خصوصیله سون 40 ایلده ایسلام رئسپوبلیکاسی‌نین تعسی‌سین‌دن بری، ایراندا هر زامان قادین حاق‌لارینا داییر حرکت‌لر اولموش و سون ایللرده داها دا چوخالمیش‌دیر. بیر نئچه ایل اؤنجه ‘بیر میلیون ایمضا کامپانیاسی’نی گؤرموشدوک، ایندی ده گونده‌لیک شکیلده اعتراضلارا شاهیدیک. مجبوری حجابا قارشی موباریزه آرتمیش. بوتون شهرلرده بو اعتراضلارین باش گؤتوروب گئتدیگینی گؤروروک.”
او، ایراندا قادین‌لارین موجادیله‌سی‌نین گئنیش میقیاس‌لی عصیانا چئوریله بیلجیینی ایفاده ائدیر:
“بو آرتیق بیر مرحله‌یه چاتیب کی، اومومی عصیان یارانا بیلر. چونکی، ساده‌جه تشکیلات‌لارا منسوب اولان فعال‌لارین دئییل، آرتیق عآدی وطنداش‌لارین اعتراضلارا قاتیلدیغینی گؤروروک. قادین حرکاتی آرتیق کوتلویلشیب.”
تورک فعال اما ‘ازربایجان میللی هرکاتی’نین قادین‌لارین مسئله‌سی ایله علاقه‌لی یاخشی گؤرونتو سرگیلمدیگینی اؤنه چکیر. او، بو گؤرونوشون میللی اولان بیر حرکاتین ماهیتینه اویغون اولمادیغینی دئییر.
“میللی حرکات دئینده، بورادا قادین‌لارین دا حاق‌لاری وار، ایشچی‌لرین ده، یعنی بوتون میللتی قصد ائدیریک. تعریف بئله‌دیر. میللی حرکاتین تعریفینه باخاندا بورادا بیر پروبلئم اولماما‌لی ایدی. یعنی میللی دوشونجه و میللی حرکات دئینده، قادین مسئله‌سی داها چوخ گوندمده اولما‌لی ایدی... اما نه یازیق کی، بونون حیاتا کئچیریلمه‌سینده پروبلئم یاشاییریق. میللی حرکات بوتون حقوق‌لار و طلب‌لره دئییل، بعضی طلب‌لره محدود اولوب. میللی حرکات‌دان بئله بیر گؤرونتو یارانیب،” تورک فال سؤیلییر.
امیر مردانی نومونه اولا‌راق گونئی‌دکی طلبه حرکاتیندا قادین‌لارین رولونو دیرلندیریر.
اونون سؤزلرینه گؤره، “طلبه فعال‌لار آراسیندا سون بیر نئچه ایلده قادین‌لارین ایشتیراکی ایله علاقه‌لی بیراز دییشیک‌لیک اولوب. سایی باخیمین‌دان دییشمه‌سه ده، ماهیتده دییشیک بیر دوروم وار. میللتچی‌لیک باخیمین‌دان قادین‌لارین ایشتیراکی چوخالیب اما حرکاتین قئیری-دئموکراتیک گؤرونمه‌سی قادین حرکاتی قوه‌لری‌نین اوزاقلاشماسینا سبب اولوب.”
“قادین‌لارین اوزاقلاشماسی‌نین سببی بودور کی، قادین‌لار اؤز سؤزلرینی دئمه‌یه میللی حرکاتین ایچینده یئر تاپا بیلمیرلر... بونو ان یاخشی شکیلده اؤلکه خاریجینده گؤروروک. یعنی خاریجده کی عادت-عنعنه‌لر واسطه‌سیله باسقی یارانمیر و ایران ایسلام رئسپوبلیکاسی‌نین باسقی‌سی یوخ‌دور، اما بورادا دا قادین‌لارین میللی حرکاتا قاتیلماسی، حرکات ایله برابر حرکت ائتمه‌سی چوخ آزدیر،” دئیه مردانی علاوه ائدیر.
https://www.amerikaninsesi.org/a/emir-merdani-iran-qadin-herekati/4288828.html
https://www.amerikaninsesi.org/a/4294983.html
