قوُجا قنبرآستا آستا یوُل گئدیردی،
قارا بوُلوُت گوُی اوُزوُندۀ کیشنئییردی ،
کیشنۀ دیکجۀ ایلدیریملار شاخییردی ،
گوُز قیرپیمی آمانسیزجا گوُرشاد یاغیر،
درۀ لردن گوُروُلتوُلوُ سئللر آخیر،
گوُرشاد کئچیر، بوُلوُت قاچیر، گوُنش چیخیر،
گوُزللیکلرتوُرپاقلاردان باش قالدیریر؛
یاماجلارین خوُش قوَخوُسو اوُرۀ یی آچیر،
سئل سوُلاری یوُلوُن تاپیرآخیرگئدیراوُزاقلارا ،
گئدیر چاتیر ساکیت آخان خان آرازا،
آراز، بوُلوُنموش بیر میللتین گوُز یاشلاری،
آراز، اوُتای بوُتای أفسانۀ نین غم کئدری ،
باجی ، قارداش گوُروُشوُنوُن یوُلوُن کئسن ،
صمدلری توُتوُب بوُغان یامان آراز، آمان آراز،
یوُل گئتدیکجۀ اوُزاقلارا گوُز گئزدیریر،
مه ایچیندۀ أفسانۀ لی قیزیل قایا داشی گوُروُر،
قیزیل قایا گوُنش اوُلجاق قیزیل کیمی پاریلدییار
أسکی لردن آغ ساققاللار افسانۀ لراوُیدوُروَبلار،
گاه دئمیشلر شروُرداکی قیزیل داغین پارچاسی دیر!
گاه دئمیشلرأسکی لردۀ آلووُ کیمی گوُیدن دوُشوُب !
گاه دئمیشلرزلزلۀ سونرا بیردن یئردن چیخیب !
نئسیلردیر حئکایه سی ، افسانه سی ، دیللرده دیر ،
هئر کئس اوُنا بیر داستان یارادمیشدیر !
هاردان گئلیب ، نئجۀ گئلیب کیمسۀ بیلمیر؟ !
آنجاق ایندی چیمنلرۀ ، یاماجلارا بئزئک وئریر،
قوُجا قنبر آددیم آددیم یوُل گئدیردی ،
هئردن دۀ بیر قوُلاغینا سئس لرگئلیر!
بئش اوُچ اوُشاغ درۀ ، تپۀ قاچیردیلار،
اوُجا سئس نن ماهنی دئییب گوُلوُردوُلر،
بوُزآت سنی سرتوُولۀ دۀ باغلارام،
قیزیلدان گوُموُشدن سنی ناللارام ،
اوُشاغ لاری ائشیددیکجۀ اوُزوُگوُلوُر،
یازهاواسی روُح وئرمیشدی اوُشاغلارا،
قاچیردیلار گوُلۀ گوُلۀ، گاه اوُیا گاه بوُیانا،
تک توُک چیخان یاز گوُللرین دریردیلر،
بیردۀ دوُنوُب شاققیلداشیب گوُلوردولر،
اوُشاغلاری سئیراتدیکجۀ سئوینیردی ،
اوُرییندۀ سوُنسوُز اوُمید جانلانیردی،
اوُز گئنجلیگین یادا سالیب آه چئکیردی،
اوُلوُلاردان اینجی سوُزلریادیندا ایدی،
دوُنیا بیر پئنجرۀ دیر، هئر گئلن باخیب کئچر،
قوُجا قنبر کئچمیشلرین جایناغیندا چیرپینیردی ،
بیر سئس گئلیر ، تانیش ایدی قوُلاقینا !
سالام قارداش ، خئیراوُلسون گوُزل گوُنون ،
نۀ دیر یئنۀ غم کئدرین عالمیندۀ بوُغولوُبسان ؟
گاه جوُشوُرسان ، گاه گوُلوُرسن دانیشیرسان؟
بیردئۀ گوُروُم نئدیردردین نییۀ بئلۀ کئدرلی سن؟!
گئل اوُتوُراق گوُزل کوُزل سوُز دانیشاق ،
کئچمیشلردن ، یوُلداشلاردان صوُحبت آچاق ،
خاطیرۀ لر شیرین آجی کئچیب گئدیب ،
کئدرلئنمۀ عزیز دوُستوُم ، زامان کئچیر،
هئربیردردین درمانی وار، چاره سی وار،
دوُنیا هئرگوُن تئزۀ لئنیر، چاغ دئییشیر،
سوُلار آخیریامان یاخشی یوُلوُن تاپیر،
دوُیغوُلانما گئلۀ جئییۀ اوُمیدلۀ باخ ،
******************
قوُجا قارتال گوُلومسه یب بیرآه چئکیر،
گوُزلرینه سئوینج گئلیر، اوُرۀ کلۀ نیر،
سانکی بئینی خئیاللاردان آزاد اوُلوُر ،
گوُلراوُزنن یوُلداشینا ساغ اوُل دئییر،
پوُلاد قارداش یاخشی گئلدین تاپدین منی ،
کئچمیشلرین دنیزیندۀ غرق اوُلموشدوم ،
دئلی لرتک دئیینیردیم ، چیرپینیردیم ،
کئدرلی ایدیم سنی گوُردوُم چوُخ سئویندیم ،
اوُرۀ یمۀ قوُوت وئردین ، دایاق اوُلدوُن ،
دوُز دئییرسن، بوُش خئییاللاربیر قوُیوُدوُر،
قارانلیقدا چیرپینساندا چیخماق چئتین ،
گئل اوُتوُراق کلمۀ کلمۀ بیز دانیشاق ،
آیریلیقی دوُشوُندوُکجۀ قهراوُلوُرام ،
بیردئۀ گوُروُم کیم آیردی بیزی بیزدن ؟
کیم یاراتدی اوُتای بوُ تای افسانۀ سین ؟
پولاد کیشی ائشیددیکجه قانی جوُشور،
خاطیره لر دالغالانیب ، آشیر، داشیر،
یوُلداشینا گوُلۀ گوُلۀ باخیب دئییر:
یئنۀ منی سالدین قارداش بوُیوُک دردۀ،
نئجۀ دئییم ، هاردان دئییم هئچ بیلمیرۀ م ؟ !
تاریخلری یادا سالیب دوُشوُندوُکجۀ ،
سیخیلیرام ، آغری چوُکوُر اوُرییمۀ ،
دوُشمانلارین شئیطان کیمی اوُیوُنلاری،
هئچ بیتمۀ یب ، داوام ائدیر زامان زامان ،
