ؤطنیمیزگوُنئی آذربایجاندا میللی ایستیقلالییتۀ نائیل اوُلماقین رئال یوُلوُ ؤ یا یوُللاری هانسی تاکتیک لردن ایستیفادۀ اتمئکلۀ بوُ مقصدۀ چاتماق اوُلار ؟

1 ـ ایلک باشدا دئمئک لازیم دیرکی آذربایجان میللتی نین یئنی چاغیمیزدا باشلادیقی آزادلیق قوُرتوُلوُش حئرکاتی سیلاحلی موُجادیلۀ یوُخ ، بئلکۀ مدنی حئرکات یوُلوُایلۀ اوُز طبیعی حاقلارین ألدۀ اتمئگ ایستۀ یر، بوُنا گوُرۀ دۀ حئرکت سیلاحلی موُبازۀ نی کئسینلیکلۀ رد ائدیر ؤ اوُنوُن طرفداری دئییر. آیریجا رژیمین مأموُرلاری اوُلان ألی سیلاحلی پاسدارلار، بسیجی لری ، عسگرلری ؤ سایرۀ لری بیرتعداد آزغینلارایستیثنا اوُلماقلا ، قالان بوُیوُک حیصۀ سین قارداش گوُزوُایلۀ گوُروُرلر.

2 ـ وطنیمیزگوُنئی آذربایجاندا میللی مدنی حاقلاریمیزی ألدۀ اتمئک هدفی ایلۀ میللتیمیزین یئنی چاغدا باشلادیقی موُجادیلۀ تقریبن" 25 ایل" بوُندان قاباقدان آکتیو شئکیلدۀ یئنی چاغداش باخیشلا جوُجئریب باشلانمیشدیر.

آمما بیلدییمیز کیمی بوُ موُجادیلۀ نین أساس ریشۀ سی میللتیمیزین یوُزایللیک قانلی بلالی موجادیلۀ تاریخینۀ دایانیر، کئچمیشین آجی تجروُبۀ لریندن ایستیفادۀ اتمئکلۀ، بوُ گوُنکوُچاغیمیزدا  دوُنیانین سیاسی شرایطین ؤ آردیجیل باش وئرن گرگینلی حادیثۀ لری نظردۀ آلماقلا میللی حئرکات میللتیمیزین واز کئچیلمز میللی حاقلارینا نائیل اوُلماق هدفی ایلۀ ، موُجادیلۀ تام مدنی شئکیلدۀ موُسالیمتلۀ  آددیم آددیم شئکیللئنیب ایرۀ لییۀ دوُغروُ حئرکت اتمئکدۀ دیر.

بوموچادیلۀ باشلاندیقی چاغدان داواملی اوُلاراق حئرکتین فعاللاری حاکیم اوُلان رژیمین أمنییت قوُوۀ لرینین سَرت ؤ رحمسیز هجوُملارینا معروُض قالمیشدیر ؤ هئلۀ دۀ همان هجوُملار جوُربۀ جوُر تخریباتلارلا بیرلیکدۀ داوام اتمئکدۀ دیر، بوُنوُنلا بئلۀ رژیم میللتیمیزین ایرادۀ سینۀ نۀ اینکی غالیب گئلۀ بیلمۀ یب ؛ عکسینۀ اوُلاراق یئنی گئنجلریمیز اوُز میللی کیملیکلرین درک ائدیب منیسۀ دیکجۀ  کوُنوُللوُ اوُلاراق حئرکت دۀ ایشتراک ائدیب اوُنوُن گوُن بۀ گوُن گوُجلئنمۀ سینۀ ؤ دوُزگوُن معنادا بیر میللت سئلینۀ چئوریلمۀ سیندۀ عمومی حئرکت  شئکلینۀ چئوریلمیشدیر.

ائلۀ بوُنا گوُرۀ دۀ فارس راسیست رژیمی ؤ اوُنوُن داخیلدۀ ، خاریجدۀ اوُلان قوُیروُقلاری جوُر بۀ جوُرحیلۀ کارلیقلار، تخریباتلار، بوُش ؤمنفی تبلیغات لاری ؤ هئرگوُن زۀهرلی تبلیغاتلار یاییماقدا دیرلار، آمما میللتیمیزین آییق ساییق اوُلدوُقو ؤ حئرکاتین دوُزگوُن یوُلدا گوُجلئنمۀ سی بیرطرفدن ؤ رژیمین اوُز ایچیندۀ اوُلان جوُربۀ جوُر فسادلاری ؤ دوُنیا مقیاسیندا دوُزگوُنلوُکلۀ تروُریست یوُواسی عنوانی ایلۀ تانینماسی اوُنوُنوُن تخریبات ؤ تبلیغات گوُجوُنوُن سارسیلماسینا سبب اوُلموُشدوُر.

3 ـ آذربایجان میللتی فئدرالیسم سیستمین آجی تجروُبۀ لرلۀ باشدان کئچیرمیشدی :

گوُنئی آذربایجاندا فئدرالیسم سیستمی ایلۀ میللی ایستیقلالا چاتماق اوُلارمی ؟ بیرحالداکی بوُگوُن    ؤطنیمیزین تاریخی بیر بوُلوُموُاوُلان قوُزئیدۀ موستقیل آذربایجان دوُولتی قوُروُلموُشدوُر؟

فئدرالیسم قوُروُلوُشوُ ائلۀ همان ایالتی، ویلایتی أنجمنلر دئمئک دیرکی مشروُطۀ اینقلابی نین آنا یاساسیندا قبوُل اوُلوُنوُب ، تصویب اوُلوُنموُشدوُر، لاکین ایرتیجاع ؤ شوینیسمین باسغی لاری نئدنیلۀ هئچ زامان ایجراء اوُلوُنمادان کاغیذ اوُزریندۀ قالمیشدی، ائلۀ کی شئیخ محمدخیابانی نین قوُردوُقوُ  " آزادیستان" دوُولتی همان ایالتی ، ویلایتی أنجمنلرأساسدا قوُروُلموُشدوُر.

آمما نتیجۀ نۀ اوُلدوُ ؟  فارس شیوینیسمی ؤ ایرتیجانین بیرگۀ توُطئۀ سی ، اینگلیس ؤ بوُلشویک روُسیۀ نین یاردیمی ایلۀ آزادیستان دوُولتی نین وارلیقین تحمول ائدۀ بیلمۀ دیلر ؤ نتیجۀ دۀ شئیخ محمد خیابانی ؤ اوُنوُنوُن همفیکیرلرین، سیلاح داشلارین وحشیجۀ سینۀ قتل عام ائدیب ، آذربایجاندا    قان گوُلوُ یاراددیلار .

سوُنرالارریضاخان دیکتاتوُرلوُقوُنوُن دئوریلمۀ سی ایلۀ آذربایجاندا سئید جعفر پیشۀ ورینین باشچیلیقی ایلۀ «ایران» چئرچیوۀ سیندۀ میللی موُختار حاکیمییت قوُروُلوُر، آنجاق فارس راسیسمی بوُ حاکیمیییتی دۀ اوُز وارلیقینا تهلیکۀ گوُروُب ، دوُنیا ایمپریالیسمی ؤ روُسیۀ کمونیست پارتیاسی نین حیلۀ کار سیاسی اوُیوُنلاری نتیجۀ سیندۀ میللی حاکیمییت قانلی قیرقینلی سرنویشت لۀ اوُزلئشیر!

بئلۀ لیکلۀ گوُروُروُک کی« ایران» چئرچیوۀ سیندۀ حتی فئدرالیسم ایدۀ یاسیدا دفعۀ لرلۀ نتیجۀ سیز قالیر، چوُنکی فارس دیکتاتوُر سیستمی أساسدان دئیشیلمۀ میشدی ، ریضاخانی آپارمیشدیلار، آمما اوُنوُن یئرینۀ اوُغلوُن منصوُب اتمیشدیلر، سیستم اوُلدوُقوُ کیمی قالمیشدی ! لاکین بوُگوُنکوُ یئنی چاغدا آذربایجان میللتی نین قارشیسیندا دوُران تک بیر قوُرتوُلوُش یوُلوُوار، اوُدا ایستیقلالدان  عیبارت دیر باشقا هئرهانسی آزدیریجی یوُل بیزی آلدادمامالی دیر.

بوُ حقیقت لری میللتیمیزین آردیجیل گئلن بوُگوُنکوُ گئنج نئسیللری دوُزگوُنلوُکلۀ درک ائدیب ، منیسمۀ میشدیرلر، آزادلیق ، قوُرتوُلوُش مفکوُرۀ سی میللتیمیزین مقدس هدفی اوُلاراق گوُن بۀ گوُن گوُجلئنیب سئلۀ چئوریلدیگی نین شاهیدییک .

بیزبوُنا هئرگوُن شاهیدیک آذربایجاندا گوُجلنن میللی حئرکت هم اوُلکۀ یۀ حاکیم اوُلان راسیست رژیمی همدۀ اوُنوُنلا  بیرلیکدۀ ، داخیلدۀ ؤ خاریجدۀ اوُلان بوُتوُن فارس شوینیست لرینین أن بوُیوُک قوُرخوُلارینا ، وحشتلرینۀ سبب اوُلموُشدوُر، چوُنکی میللی حئرکاتین  گئنیشلئنمۀسی ؤ اوُنوُن ایران دئیلن اوُلکۀ دۀ یاشییان بوُتوُن توُرکلرین آراسیندا یاییلیب ، حوُرمت قازانماسی ، ألبتۀ کی رنگا رنگ دوُشمانلاریمیزی ؤحشتۀ سالمیشدی .

ائلۀ بوُنا گوُرۀ میللی حئرکتۀ قارشی هئچ بیر دوُشمان چیلیقدان، قارا یاخمادان ، تخریباتلاردان چئکینمیرلر، خاریجدۀ اوُلان فارس تشکیلاتلاری سوُزدۀ تئهران رژیمی ایلۀ «موبارزۀ !؟» آدی ایلۀ موُللا رژیمی ایلۀ همکارلیق ائدرکن ، چوُخ موُذیانۀ شئکیلدۀ رژیمۀ یوُل گوُستریب، فارس حاکیمییتی نین داغیلماسیندان قوُرخوُرلار، بوُنا گوُرۀ دۀ گوُنئی آذربایجانین میللی حئرکاتین نۀ اینکی ایستیقلالچی بیر حئرکات ، بئلکۀ هئر زامانکی کیمی چوُروُموُش دامغا اوُلان « تجزییۀ طلب » کلمۀ سیندن ایستیفادۀ اتمئکدۀ دیرلر!   

یوُخاریدا قئید اوُلوُنان مطلب لر میللتیمیزین موجادیلۀ سی نین قیساجاسینا فاکتلاریندان بیرکیچیک بوُلوُموُدوُر، ائلۀ بوُنا گوُرۀ دۀ منطیقی اوُلاراق میللی حئرکت" سیلاحلی، پارتیزان" یوُلوُ ایلۀ یوُخ ، بئلکۀ مدنی موجادیلۀ یوُلوُایلۀ حاقلارین بیر بوُلوُموُن ألدۀ ائدۀ بیلۀ جئکلر، بوُنا هئچ شئک یوُخدور،

آمما سوُن اوُلاراق قئید اتمئک لازیم دیرکی، ایران دئیلن یئردۀ بوُ گوُنکوُ مافیا ماهییتلی ایسلام رژیمی حاکیم اوُلدوُقجا، أساس حاقلاریمیزا نائیل اوُلماق مومکوُن دئییر. اوُجوُملۀ دن :

ــ اوُرموُگوُلوُموزوُ بوُ رژیم اوُلوُمدن قوُرتارمییاجاق ،

ــ آنا دیلدۀ مدرسۀ ؤ یا اوُنیورسیتۀ قوُروُلمییاجاق ،

ــ طبیعی یئرآلتی ثروتلریمیزین غارتی داوام ائدۀ جئک ،

ــ کئند تصروُفاتی قوُراقلیقدان قوُرتاریب ، اینکیشاف تاپمییاجاق ,

ــ زیندان ، ایشکنجۀ ، سوُرگوُن داوام ائدۀ جئک،

ــ فسادلار ؤ عمدی یارادیلمیش نارکوُتیک مادۀ لری یاییلماسی داوام ائدۀ جئک ،

ــ عمدی ؤ غرضلی یارادیلان یوُل قضالاری داوام ائدۀ جئک ،

ــ یوُخسوُللوُق ، ایشسیزلیک داها آرتیق داوام ائدۀ جئک ،

ــ دوُولت بوُدجۀ سیندن 35 میلیوُنلوُق آذربایجان میللتینۀ لازیم اوُلان سهم وئریلمیۀجک ،  

ــ دوُولتین یوُکسئک اوُرگانلاریندا آذربایجانلی توُرک اوُلان اوُز آنا یوُردوُنا اوُرۀ یی یانان شخصلرۀ نۀ یوُل وئریلۀ جئک نۀ دۀ  هئرهانسی یوُکئسک ایجرائی مقام وئریلمییۀ جک .

بئلۀ اوُلدوُقوُ حالدا ؛ آذربابجان توُرک میللتی اوُزوُ، اوُزسرنویشتینۀ حاکیم اوُلماقی ؤ آزاد موستقیل گوُنئی آذربایجان دوُولتین قوُروُب، یارادماقی هم چاغیمیزین ضروُتی، ؤهمدۀ عینی حالدا واز کئچیلمز هدفیمیزدن ساییلار. بوُمقدس هدفیمیزۀ چاتماق اوُچوُن بیرلیگیمیز ، آییق ساییق اوُلماقلا، موُحکم ایرادۀ لی اوُلماقیمیز لازیم دیرکی ألبتۀ سوُن سوُزوُ میللی حئرکتین باشچیلاری دئییۀ جئک .

یاشاسین میللی حئرکاتیمیزین فداکاراوُلادلاری، یاشاسین آذربایجانیمیز. آذرخش ــ 16 / 9 / 2017